Ụbẹẹtụ oyina à tị́ ji lẹẹlẹẹ nya enyi Ohe ohuhu?
HỊHỊ LALA ANGỊNYỊ NYA ỊKỊRAYỊSỊ
Chụ Nyọka Myị Ẹrụ Ha IJihova
Kori ká ri okolobya lee ọyẹẹnọ ọlẹ kọ hu enyi Ohe lẹka lee ị juwa ja ịBayịbụụ balang wẹẹ, á la irya nyọka hu enyi Ohe? Ịyẹ à tị́ du ká tịtọ nyọka hu enyi Ohe? Ịlọng o-hu ju Ohe Oluhye ụ-ụbwọ bala enyi Ohe ohuhu ri ọmwụ ọdada nya igu oriri ọnyịịla-ọnyịịla bala iJihova. (Eje 91:1) Ịnyịnyị, ị kaa kpahị ka ụgbẹyị nya ọchịda. (1Pit 3:21) Ányị à tị́ ka bwu hu ẹta-ẹdịyẹ ịwẹ?
Mẹjẹ ịlọng nyori a jam ẹ-ẹpwụ nya ẹlịlẹhị. Mwahị nya ọwẹwẹ nya ịtọ ẹla ịhyẹ ịlẹ kị ka wẹ ọkịlẹtụ nyang lụka nya ịlọng. (Rom 12:2) Kori ká baba nya ọyẹda ẹgẹhẹ aalẹ, maga ka jẹ́ myịmyị nyori irya nyang ri ọ-ka họ ẹla kpụ iJihova ịpyọ. (Etu 27:11; Efe 4:23, 24) Raabwọ bịlẹ ụbwọ ọdada bwu ẹga nyamwụ ụka wuu. La ahị ọdahile nyori iJihova ka ya ọngịrị hang bala ọ-dang ụbwọ la olegu ịgọgọ nyamwụ. (1Pit 5:10, 11) Aga ọmama nyang baba nyịlẹhị-ịlẹhị. Chajị ọ-ka myị ẹrụ ha iJihova à ri ụgbẹyị nya ọhịhị ọlẹ kọ ha gu wuu lẹ!—Eje 16:11.
YẸ IFIM ỌLẸ KỌ RI ẸTA-ẸDỊYẸ NYA ENYI OHE OHUHU, KANỤ WẸ ỊTỌ ẸLA ILEJI ỊLẸ:
Akama iyina angịhyẹ à tị́ kụrụ myị chajị kị ka jẹ́-ẹ hu enyi Ohe?
Ányị à tí ka bwu la ọmyịmyị ọlẹ kọ baba chajị ká ka hu ịlọng ju iJihova ụ-ụbwọ?
Ịyẹ à tị́ gu angịhyẹ gbịla du kị hu ẹta-ẹdịyẹ ịhyẹ ịlẹ kị baba nyọka hu enyi Ohe?
Ányị iJihova à tị́ bwu wahị kụrụ angịlẹ kị chụ nyọka myị ẹrụ họọ?
Ịyẹ à tị́ ri etu nya ịlọng o-hu ju Ohe Oluhye ụ-ụbwọ bala enyi Ohe ohuhu?