Nwụlanọ Nyọka Ya Ẹrụ Ọnyịịla Ju Ọng Myị́ Ọng

Jaabwọ ọlẹ ká iJihova nwụla ala Isirẹlụ nọ, ọ kaa nwụla angịnyị nyamwụ nọ alẹ ịnyịnyị chajị kị ka jẹ́-ẹ họ ụkụrwọ nyamwụ ọlẹ kọ ya haa. Chị odehe ọnụ wuu, egbeju-ẹpwa lụmẹ-lụmẹ, isekut, ọjịra-jịra bala ebwo nya angị kpa ẹrụ ọnyịịla pyẹ wuu, kaa họ ụkụrwọ lawụlẹ chajị kị ka jẹ́-ẹ kpa ẹrụ ọnyịịla pyẹ. Ahị kaa ya ẹrụ ọnyịịla ju ọng myị́ ọng, tụ́ angịlẹ kị kaa ya òja ọkịla.​—Ọwụ 14:6, 7.

À kụ irya kori ká ka jẹ́ òja ọkịla chajị ká ka dang angịkịla ụbwọ nyọka wẹ ka jẹ ẹlịlẹhị? Kori ká lụka nyọka jẹ́ òja ọkịla ka wẹwẹ, à ka jẹ́-ẹ kpa JW Language app họ ụkụrwọ nyọka jẹ́ ichiche-ichiche ịlẹ ká ka kpa dọmwụ nya ẹla oyaya myị. Ụka ká tị kpa họ ụkụrwọ ẹ-ẹrụ ọnyịịla ọ-kpa pyẹ kpá, ọ-ka du ká ka chị ọkẹkẹnị jaabwọ ká Angịnyị nya ịKịrayịsị iloyi ọhọhẹ chị ọkẹkẹnị, ụka ọlẹ ká angịlẹ kị bwu ọpyị ọkịla “juwa wọ jaabwọ ká angịnyị nya Ohe Oluhye [ịịwa] juwa kpa oja [nyaa] gbwogbo ha Ohe Oluhye u-uhye nya iru nya ụkụrwọ ịtụka ịlẹ ká Ohe Oluhye họ odehe ọlẹ.”​—Ụkụr 2:7-11.

YẸ IFIM ỌLẸ KỌ RI, RI OLIGU NYA IJIHOVA​—YA ẸRỤ ỌNYỊỊLA LA ÒJA ỌKỊLA, KANỤ WẸ ỊTỌ ẸLA ILEJI ỊLẸ:

• 

  Ụka oyina JW Language app à tị́ ka jẹ́-ẹ dang ụbwọ?

• 

  Ang ịlányị à tị́ juwa ẹ-ẹpwụ nyamwụ?

• 

  Òja iyina angịnyị iloye nyang à tị́ kaa ya?

• Ányị à tị́ ka họ kori ká ọngịnyị ọlẹ kọ ke ụrụ la oja nya Ịpyị-Adịrahụ nya Ohe Oluhye, à kaa ya òja ọkịla?​—od 100-101 ¶39-41