“Ọháha nya ịKịrayịsị ọlẹpwụ nyahị a jam gbileehi . . . lẹ.”—2Kọr 5:14
HỊHỊ LALA ANGỊNYỊ NYA ỊKỊRAYỊSỊ
À Ka Ye Ịlahị nya Ụgbẹyị La Ọya Ọhata lee Ọya Ohene Myị́?
Ọ ka háng nyọka họ gu ọwọwa ẹ-ẹpwụ nya ụkụrwọ nya iJihova lụka nya ọ-Họ Kpa Kpịtịya nya Igu nya IJisọsị? (2Kọr 5:14, 15) Ẹ-ẹpwụ nya Ọya Ọhata bala Ọya Ohene, angị chịchịịchị ye ịlahị nya ụgbẹyị ka chụ nyọka họ awa 30 kele ka awa 50 ẹ-ẹpwụ nya ọya ịwẹ myị. Kori kọ chịkpẹẹ hang nyọka lụbwọ ẹ-ẹpwụ nya ụkụrwọ ọkpọnchị ọwẹ aalẹ, ya ụbwọ ju ụpwụ ẹ-ẹpwụ ka ya ha ala Service Committee nya Ọjịra-jịra. Ọya ọnyị myị́ ọnyị, ị ka wụrụ ẹnyị nya angịlẹ kị myị ọnụ nyọka chịchịịchị ye ịlahị nya ụgbẹyị dodehe ọ-ọjịra-jịra. Bwula ọọwa, ala ọjịra-jịra ịkịla ka jẹ́-ẹ chẹkpẹ jwaa ẹ-ẹpwụ nya ẹrụ ọnyịịla ọ-kpa pyẹ. Ahị wuu a maga nyọka lụbwọ ẹ-ẹpwụ nya ụkụrwọ ọkpọnchị ọwẹ lụka nya ọ-Họ Kpa Kpịtịya nya Igu nya IJisọsị chajị kahị ka jẹ́-ẹ kpa ẹrụ ọnyịịla pyẹ yẹẹyẹẹ bala ọ-ka ju awụlẹ ọhụ.—1Tẹs 5:11.