Ang Ịlẹ ká IJihova Họ Ju Ahị Ọdahịhile Nyahị Ọngịrị ẹ-Ẹga nya Ẹla Ọjẹ́jẹ Nyamwụ

IJihova kaa jẹ́ ang ọlẹ kọ ka há hahị ụka myị́ ụka wuu? Ee! Ahị ọ-myị ju ẹla ọwẹ, mẹjẹ nyori ahị mẹ ẹla ọjẹ́jẹ jẹ ụka kahị ba ụgbẹyị nyamwụ jẹ. (Etu 16:3, 9) Ma, ụka ọhẹ ọ-ka lahị ujwo la ọ-ka dahịhile ụgbẹyị ọkpakpa nya iJihova, ụka ká irya ọkụkụ nyahị á datị hi ịnyamwụ. Ahị ka ju ahị ọdahịhile nyahị ẹ-ẹga nya ẹla ọjẹ́jẹ nya iJihova ọngịrị bwula ọ-kụ irya kpori-kpori u-uhye nya ang ịlẹ kọ họ.​—Etu 30:24, 25; Rom 1:20.

YẸ IFIM ỌLẸ KỌ RI Ị HỌỌ HỌ ỊNYỊ? ÁNYỊ ỊHỤLỌ À TỊỊ HỌ Kịị MỊLA AWỤLẸ Ụ-ỤGBẸYỊ KA? KANỤ WẸ ỊTỌ ẸLA ILEJI ỊLẸ:

• Ịyẹ à tị́ ri akụrwọ ịlẹ ká ịhụlọ kaa họ ẹnụ myị́ ẹnụ?

• Ányị ịhụlọ à tịị họ kịị mịla awụlẹ ụ-ụgbẹyị ka?

• Ịyẹ angịnyị ehe à tị́ ka jẹ́ bwu ụgbẹyị ọlẹ ká ịhụlọ kaa bwu jẹ bwu ẹgẹhẹ ka ẹga ọkịla?

YẸ IFIM ỌLẸ KỌ RI Ị HỌỌ HỌ ỊNYỊ? JAABWỌ KÁ INWA KAA BWU HỤ, KANỤ WẸ ỊTỌ ẸLA ILEJI ỊLẸ:

• Akama oyina angịnyị ehe à tịị́ la ụka kị juwa pá ugbo oluhye ochiche?

• Ányị inwa à tịị́ bwu hụ du ká ọhụ ọnyọọngịrị á jẹ́-ẹ kpọọ ga kele warị ka?

• Ányị angịnyị ehe à tị́ bwu ye apyobwuna bwu ẹga nya ẹla ọjẹ́jẹ nya inwa ị-ịlahị?

Ang-ẹjẹẹ nya ẹla ọjẹ́jẹ nya iJihova oyina a tị́ yẹ ẹ-ẹpwụ nya ang ịlẹ kọ họ o-oye nya ẹga ọlẹ ká kụ?