La Ahị Ọdahịhile u-Uhye nya Ọháha o-Gbu Enyi-ka nya IJihova

A kpịnya ẹ-ẹhị nya iJihova. (Ayị 43:4) Ọ gbileng ba ịlọmwụ bala ogu nyamwụ. Chajị nyọlẹ ká hu ẹta-ẹdịyẹ nyọka hu ịlọng ju Ohe Oluhye ụ-ụbwọ bala ọ-ka hu enyi Ohe wẹẹ, à ri ịnya iJihova lẹ. Ọ ka kpẹhị rịrịng lala ang-abwọ nyamwụ ọlịnya, tụ́ ụka ká ang lujwo hang. Ọ ka mẹ ọháha o-gbu enyi-ka jẹ́ng bwula ogu nyamwụ.​—Eje 25:10.

Ahị ka mẹ ọ-myịhị lẹhị nyahị jẹ bwula ọwụlayẹ jaabwọ ọlẹ ká iJihova mẹ ọháha o-gbu enyi-ka jẹ, bwula abwọlẹ ká ogu nyamwụ kaa họ ahyaahị ụka ká ẹla o-bwu agaga a họ lụka nyahị ọlẹ.

YẸ IFIM ỌLẸ KỌ RI OJA O-BWU ẸGA NYA COORDINATORS’ COMMITTEE NYA 2019, KANỤ WẸ ỊTO ẸLA ILEJI ILẸ:

• 

  Ányị ala Coordinators’ Committee à tịị nwụla egbeju-ẹpwa ịla odehe wuu nọ nyọka họ ahyaahị ụka ká ẹla o-bwu agaga a họ?

• 

  Ányị ogu nya iJihova à tị́ họ lụka nya ẹla o-bwu agaga ọla Indonesia bala Nigeria?

• 

  Ịyẹ à tị́ myịng lẹhị u-uhye nya abwọlẹ ká ogu nya iJihova họ ẹ-ẹga nya ẹdụrụ nya COVID-19?