Chị Ang Nọ Hịlọng Lụka nya ọ-Họ Kpa Kpịtịya

Ẹka ọnyị myị́ ọnyi, angịnyị nya iJihova kaa yẹhị rịrị gbe ọ-ka họ ọ-Họ Kpa Kpịtịya lawụlẹ. Ẹ-ẹpwụ nya epwihi ịmanyị-ịmanyị ene nya ọ-Họ Kpa Kpịtịya bala ụka kị họ kpá, ahị kaa kpa ụka bala iwe-ahụrụ opwoku kpa ya ogbo ha iJihova bala o-joo obe ọhọhọ u-uhye nya āhị nya ọ-ra kpehe. (Efe 1:3, 7) Ọ-chụ pwokwita, ahị ka kpa ọngịrị nyahị wuu wụrụ angịnyị la ila ọchịchị wẹ ọ-Họ Kpa Kpịtịya ọwẹ. Angịhyẹ kaa nwụla iwe-ahụrụ nyaa nọ chajị kị ka chịchịịchị ye ịlahị nya ụgbẹyị ọlẹ kị kaa chụ nyọka họ awa 30 lee 50 ẹ-ẹpwụ nya Ọya Ọhata lee Ọya Ohene. Ọ-ka háng ká ka họ ụkụrwọ gụ ọọwa ẹ-ẹrụ ọnyịiḷa ọ-kpa pyẹ lụka nya ọ-Họ Kpa Kpịtịya? Ịyẹ à tị́ ka dang ụbwọ jwọọ họ myị?

Ụka lụmẹ-lụmẹ, ahị kaa ju ụkụrwọ họ gụ ọọwa kori kahị nwụlanọ neeji dẹẹ. (Etu 21:5) Ọlẹ ká ụka nya ọ-Họ Kpa Kpịtịya wẹẹ ju chwẹẹ lụmẹ wẹẹ, ọlẹẹlẹẹ à ri ụka ọlẹ kọ chịla nyọka dọmwụ nyọka nwụlanọ ẹẹ. Kụ irya ju abwọlẹ kọ ka háng nyọka họ ụkụrwọ gụ ọọwa ẹ-ẹrụ ọnyịịla ọ-kpa pyẹ lụka nya ọ-Họ Kpa Kpịtịya, bala o-me irya ju ang ịlẹ ká baba nyọka họ nyahụ ọ-ka họ ang ọlẹ ká chị nọ hịlọng myị. Ọọwa lẹ, á ka bịlẹ iJihova kọ ka wahị kụrụ aga ọmama nyang ẹẹ.—1Jọn 5:14, 15.

À ka jẹ́-ẹ kụ irya nya agbẹyị ịhyẹ ịlẹ ká ka jẹ́-ẹ họ ụkụrwọ gụ ọọwa ẹ-ẹrụ ọnyịịla ọ-kpa pyẹ lụka nya ọ-Họ Kpa Kpịtịya?