ANG ỤDỤ BWU OMYI ẸLA NYA OHE OLUHYE

“Anụ Chị Ụkụrwọ Ọlụwa Ochuchuu Koo”

Ọngọ kiliya iJechuwa (iJochuwa) bala ịgọvụnọ iSerubabẹlụ kụ ịlahị nya ụkụrwọ nya ube ịgọgọ ọ-ma nwụ́ nanana nyori ị hile ụkụrwọ ọọwa (Ẹsịr 5:1, 2; w22.03 18 ¶13)

Ụka kạ́ angị taa pyịpyị myịmyị maga nyọka hwaabwọ hi ụkụrwọ ọọwa, ala iJuu bịlẹ adịrahụ nyọka kụ ẹhị eji nya ẹla u-uhye nya ehile ọlẹ kọ ya nyị ma ube ịgọgọ ọwẹ nwụ́ (Ẹsịr 5:3, 17; w86 2/1 29, akpa ¶2-3)

Adịrahụ da angị taa pyịpyị ehile nyori nyị chị ụkụrwọ ọọwa ochuchu koo, ọkọkọ nyọọwa lẹ nyị dụbwọ ẹ-ẹpwụ nya ụkụrwọ nya ube ọnwụ́nwụ ọwẹ (Ẹsịr 6:7, 8; w22.03 15 ¶7)

Ọọnahị ọnyang ọhẹ kọ wẹẹ yẹ JW Broadcasting, wẹẹ kụ irya u-uhye nya iSerubabẹlụ bala Olegbeju Ọgbahị nya Angịkiliya iJechuwa jaabwọ kị wẹẹ kpa ala Isirẹlụ aanaa kị ri angị nwụ ube ịgọgọ ụgbẹyị.

ẸLA ỌLẸ Á KA KỤ IRYA JU: Ányị oja ọlẹpwụ nya ịBayịbụụ ọwẹ à tị́ ka dahị ụbwọ nyọka ba ụgbẹyị ọmẹjẹ o-bwu ẹga nya angịlẹ ká iJihova chụ nyọka kpa ịlahị jẹ, kori kahị wo etu nyamwụ yẹẹyẹẹ wẹwẹ ka?—w22.03 19 ¶16.