Ugbodu Ojuju Ụka ká Angịnyị á ja Tụng Tutu

Wa iJeremaya 38:1-13 nyọka jẹ́ ang u-uhye nya ugbodu ojuju nya ọlọmwụ iJeremaya bala ọngọlẹ ká ẹnyị nyamwụ ri Ebẹdị-ịmẹlẹkị.

Wụla abwọlẹ ká oja ọọwa la yẹ. Ịyẹ tị́ du ká iJeremaya baba nya ugbodu ojuju nyọka ya ẹrụ nya iJihova? (Jer. 27:12-14; 28:15-17; 37:6-10) Ányị angịnyị à tị́ họ ụka kị wo ẹla nya iJeremaya?—Jer. 37:15, 16.

Wu ụjẹ nya ang ụdụ kpori-kpori. Ẹlịyẹ angịnyị à tị́ ya ahị guru ká iJeremaya ka họ? (jr 26-27 ¶20-22) Maga ká jẹ́ ang u-uhye nya abwọlẹ ká ịwẹẹlụ nya alụka ọlaa kaa la. (it-1 471) Ányị a tị́ me irya kọ ka la iJeremaya ụka kọ ja rụ dụrụ ịwa pyịị ẹ-ẹpwụ nya ịwẹẹlụ ọọwa? Uhi nya ẹlịyẹ Ebẹdị-ịmẹlẹkị à tị́ ka ju myị́?—w12 5/1 31 ¶2-3.

Ẹla ọlẹ á ka jẹ́ bwu oja ọwẹ. Tọ ịlọng wo:

• ‘Ẹlịyẹ oja ọwẹ à tị́ mẹjẹm u-uhye nya abwọlẹ ká iJihova kaa chewu ke angịlẹ kị họ kpẹẹkpẹẹ ẹ-ẹga nyamwụ?’ (Eje. 97:10; Jer. 39:15-18)

• ‘Iwe-ahụrụ iyina m tị́ ka baba nya ugbodu ojuju?’

• ‘Ányị m tị́ ka bwu ju ugbodu ojuju nyam ọngịrị nyọka họ ang ọnyịịla ụka ká angịnyị á ja tụm tutu nyọka họ ang ọtịpyọ?’(w11 3/1 30)a