Kpa Angịkịla i-Irya

Ang Ọlẹ ká IJisọsị Họ

IFIM: IJisọsị Bala Ọnyang Ọlẹ kọ tọ ị-Ịwẹẹlụ

1. Yẹ IFIM ọwẹ, lee wa ịJọn 4:6-9. Ká kụ ẹhị yẹ ịtọ ẹla ileji ịlẹ:

1. Ịyẹ iJisọsị à tị́ yẹ u-uhye nya ọnyang ọwẹ ene kọọ dọmwụ nyọka ya ẹla balọọ?

2. IJisọsị byoo yẹkẹẹ: “Chị́ enyi ham nwa chẹẹ mẹ!” Ịyẹ tị́ du ká ọwẹ ri ụgbẹyị ọnyịịla ọ-ka kpa dọmwụ nya ẹla oyaya?

Ẹlịyẹ Ahị Tị́ Jẹ́ Bwu Ẹga nya IJisọsị?

2. Ahị ka jẹ́-ẹ ya ẹla bala ọngịnyị yẹẹyẹẹ gụ, kori kahị dọmwụ la ẹla ọlẹ kọ ka kpa ọngọọwa ịpyọ.

Ba Ọgụ-ẹpẹtẹ nya IJisọsị Jẹ

3. Yẹda pwoku iwe-ahụrụ. Ó-ri opyii nyọka dọmwụ la egbeju nya ẹla ọlẹ ká kpa irya ka. Dọmwụ la ẹlẹhẹ ọlẹ ká angịkịla ja me irya u-uhye nyamwụ ale. Tịlọng wo wẹẹ:

1. ‘Ẹlịyẹ oja à tị́ ya?’

2. ‘Ịyẹ ala oye-ẹpwa nyam, ala ọlụkụrwọ nyam, lee ala ube-ụpwụ nyam à tị́ juwa ya ẹla rụ́?’

4. Yẹhị reeji. Tịlọng wo wẹẹ:

1. ‘Ịyẹ ọngọọwa à tị́ wẹẹ kpa họ lẹẹlẹẹ? Irya nya ịyẹ ọ tị́ juwa kpa me lẹẹlẹẹ myị́?’

2. ‘Ịyẹ ang ọkụrụ-kụrụ nya ọngọọwa, jaabwọ kọ la, lee ẹpwa nyamwụ à tị́ mẹjẹ́m u-uhye nya ang ịlẹ kọ myị la lee ịhọhọ nyamwụ?’

3. ‘Ụka ọlẹ pwoku nyọka ya ẹla tọ ọngọọwa?’

5. Ke ụrụ.

1. Á ya ẹla lụmẹ ka.

2. Ju ọngọọwa ọhụ kọ ka ya ẹla ọla irya nyamwụ. Ụka kọ pwoku, tọọ ịtọ ẹla.