Ẹla nya Angịkịla a Gung ọ-Ọkịlẹtụ

Ang Ọlẹ ká IJisọsị Họ

IFIM: IJisọsị Yẹ Iru nya Angịnyị Ahyẹẹrwẹrwa

1. Yẹ IFIM ọwẹ, lee wa ịMakị 6:30-34. Ká kụ ẹhị yẹ ịtọ ẹla ileji ịlẹ:

1. Ịyẹ tị́ du ká iJisọsị bala angịjụgbẹyị nyamwụ la ẹhị ọrịrịị-rịrị nyọka “ka ẹga ọchị nwee”?

2. Ịyẹ à tị́ gu iJisọsị gbịla nyọka mẹ ang jẹ iru nya angịnyị?

Ẹlịyẹ Ahị Tị́ Jẹ́ Bwu Ẹga nya IJisọsị?

2. Kori ká ẹla nya angịkịla á guhi ọkịlẹtụ ahị ka tịtọ nyọka daa ụbwọ, ẹ-ẹrụ ọnyịịla ọlẹ kahị kaa ya jaa kem ka.

Ba Ọgụ-ẹpẹtẹ nya IJisọsị Jẹ

3. Ke ụrụ kpẹnẹẹ. Ya ẹga da ha ọngịnyị kọ ka ya ẹla ọlọkịlẹtụ nyamwụ jeng. Á chọọ ẹla ju lee ọ-chị agaga ya nyori a jẹ́ jaabwọ ka ẹlẹwẹ lọọ bala abwọlẹ kọ yọọ lee ịwẹẹ ẹla nyamwụ nyị́ ri ọwa ẹla ka lẹka. Bwula ọ-ke ụrụ kpẹnẹẹ wo la ọngịnyị, a ka mẹjọ́ọ nyori ẹla ọla irya nyamwụ nyị rịng ẹla.

4. Kụ irya u-uhye nya ọngọlẹ kọ wẹ tịtọ nyọka jẹ́ ang gụ ọọwa. Bwula ẹla ọlẹ kanụ ya lawụlẹ, tịlọng wo wẹẹ:

1. ‘Ịyẹ tị́ du kọ baba nyọka jẹ́ ẹlịlẹhị?’

2. ‘Ányị ịBayịbụụ ọjẹ́jẹ à tị́ ka ju apyobwuna họọ lẹẹlẹẹ bala ọ-da ọhịhị nyamwụ ụbwọ ị-ịlahị?’

5. Ya ẹla u-uhye nya ang ọlẹ kọ ka dọọ ụbwọ. Ụka myị́ ụka kọ chịkpẹẹ, mẹjọ́ọ nyọka yẹ jaabwọ ká ịBayịbụụ ọjẹ́jẹ ka wẹ ịtọ ẹla nyamwụ bala ọ-ka dọọ ụbwọ ụ-ụgbẹyị ọhẹ lee ọkịla.