EJE 150
Ji Ẹga ny’Ohe Nyọka Chịda
(ỊSẹfanaya 2:3)
1. Ẹpwụma wuu jịra
Kị ka mw’ẹla t’iJisọs’.
Ocheju ny’eji ọkpakpa
Nya angịny’ehe pw’eji lẹ.
Aluji ny’Ohe wuu,
IJisọs’ ka tayịreji.
Ang ịwẹ wuu á ka tata ka,
Ohe Oluhye chehe.
(ỌKỌ Ọ-DAWỤLẸ)
J’ẹga ny’Ohe nyọka chịda.
Dahịhiloo l’o-juhi ka.
Tịtọ ny’abwẹla
Ọnyịịla nyamwụ,
Y’ụbwọ chọọ, a tụụbwọ hyoo ka.
Ohe tị ka y’ọchịda hang
L’ọngịrị nyamwụ.
2. Ohe duhi ẹrụ
Nyọka kp’ẹla nyamwụ pyẹ.
Ahị ka ya j’alodehe wuu
Kị ka l’iwe ny’ọchịda.
Ịtụpyịpyị lụmẹ,
Áhị tị ka juhihi ka.
Ohe kpahị jw’angịnyị nyamwụ;
Ọ ka w’omyi ny’ida nyaa.
(ỌKỌ Ọ-DAWỤLẸ)
J’ẹga ny’Ohe nyọka chịda.
Dahịhiloo l’o-juhi ka.
Tịtọ ny’abwẹla
Ọnyịịla nyamwụ,
Y’ụbwọ chọọ, a tụụbwọ hyoo ka.
Ohe tị ka y’ọchịda hang
L’ọngịrị nyamwụ.
(Wa ụpwụ nya 1 Sam. 2:9; Eje. 2:2, 3, 9; Etu. 2:8; ịMat. 6:33.)