EJE 77
Ahigboo Ẹ-Ẹpwụ nya Odehe nya Ukpowu
(2 Ala ỊKọrịntị 4:6)
1. Odehe j’ẹpwụ ny’ukpowu,
Ang ịtịpyọ lụmẹ.
Omyi ẹla ny’Ohe Oluhye
Lal’ahị ọpyẹpyẹ.
(ỌKỌ Ọ-DAWỤLẸ)
Ohe y’ila hahị,
Y’ẹhị ọrịrị h’angịnyị;
Ila ny’ẹlịlẹhị.
K’odehe wuu ka yọọ,
Kị́ ka kpehe bw’ukpowu
W’ẹpwụ ny’ahigboo.
2. Angịnyị jam nune lụmẹ
Ẹ-ẹpwụ ny’ang ịtịpyọ.
Ahị tịtọ kị́ ka wuleji
Chajị kị́ ka chịda.
(ỌKỌ Ọ-DAWỤLẸ)
Ohe y’ila hahị,
Y’ẹhị ọrịrị h’angịnyị;
Ila ny’ẹlịlẹhị.
K’odehe wuu ka yọọ,
Kị́ ka kpehe bw’ukpowu
W’ẹpwụ ny’ahigboo.
(Wa ụpwụ nya ịJọn. 3:19; 8:12; Rom. 13:11, 12; 1 Pit. 2:9.)