F’ibe Wẹ Nwa Tanẹ Ek’amonẹ

Ẹn̄wu ki Jisọs Che

VIDIO: Jisọs Kọ Nikodimọs Ẹn̄wu

1. Go VIDIO, abẹk’ẹ gba Jọn 3:1, 2. Ubilẹ, kpibe oji am’ene-i:

1. Ẹn̄wu chi ki ch’anẹ own̄ Nikodimọs w’ugbo Jisọs? —Go Jọn 12:42, 43.

2. Abu iko anẹ ki Jisọs jẹ ki ch’oluka kpai Nikodimọs du n̄a kaki i d’ẹdọ-wn̄ ki f’amonẹ ch’amakọchẹ?

Ẹn̄wu A Kọchẹ Kwugbo Jisọs?

2. Todu k’afẹdọ amonẹ, a ch’alu duu ka neke che ka ch’atẹko ma kuma ch’amakọchẹ.

Ch’awọli Jisọs

3. Ch’ukọchẹ iko kpai ugbo ki nyọ n̄w akọchẹ Baibul wẹ. I neke n’ọjọ kpai iko kia nyọ n̄wu ki ch’ukọchẹ efu aladi. Ugbo i al’ọla n̄wu ki ch’ukọchẹ Baibul-wn̄—ugbo kia ch’ukọlọ, un̄yi-wn̄, abẹki ugbo omunẹ? Ichẹn̄wu ki jẹ che, ẹ r’ọwọ da t’iko kia n’un̄a kẹ neke ch’ukọche kp’own̄.

4. Na ch’ukọchẹ Baibul kp’own̄ aladi duu. Ef’aladi duu ki ma jẹ che n̄wẹ kẹ ch’oluka kp’own̄ n, e ki t’ukọchẹ-wn̄ nọ ef’aladi lẹ n. Oka ef’amẹn̄wu mẹta ki jọ-i neke chabunẹ wẹ:

1. Ẹ neke ch’ukọchẹ kp’own̄ ọjọ omunẹ efu aladi lẹ.

2. Ẹ neke ch’ukọchẹ kp’own̄ oji fonu abẹki intanẹti.

3. Ẹ neke ka n̄wu ẹnẹ omunẹ ki ch’ukọchẹ kp’own̄ ef’aladi lẹ.

5. Ch’adua kẹ n’ali ọmẹmẹlẹ. Ch’adua ru Jihofa ki ch’atẹko wẹ k’ọla wẹ ki we kpa dagba ki ma ch’ukọchẹ Baibul-wn̄ iko ki dukpẹ n abẹki ichẹn̄wu ki ma hika d’ẹn̄wu kia kọchẹ ch’ukọlọ n. (Fil. 2:13) Akọchẹ Baibul wẹ neke n’ali ẹnyọ wewe; ch’adua kẹ kp’eju ru am’ali lẹ.