Zigeigha Peibolou mọ Wó Iroromịnị Yebo mọ

Omịnị wó ẹrẹmịnị egberibo bá mịẹmịnị yebo bẹtịbị akị zigeigha peibolou mịẹdịagha. Wó iroromịnị yebo kpọ sụọ-emi. (Ps 19:14) Anị duonị Bible bị wó kụrọmọ amọ, omịnị gesii-emi, yelaa-emi, kịrịị-emi, yalịyalị-emi, tarị agbẹị-emi, gbaa-seimọye fa, ebi bá tokoni agbẹị-emi yeama kị kẹrị iroro. (Php 4:8) Kọkọ, omịnị yaliyaligha dounị ifiemọsẹ sei iroroyeama wó ịkịọụ dụọsụọ mịnị yọbị laa kẹrị-tịẹmọgha fa. Bịsẹbara kị paa kpọ, angọ kẹrị inyenrinbụọ baratụa wó pịrịwẹrị ebi iroroye akị sei iroroye dei a paaemi. Ebi yeama wó mọ kẹrị iroro daba, baratụa wó pịrịwẹrị zigeigha peibolou mịẹdịa mịnị.—Mr 7:​21-23.

Bei Bible yọbo dii dá, wó dei agbẹị-emi iroroyebo gẹẹ koromọ:

Ro 12:3

Lu 12:15

Mt 5:28

Php 3:13