Study to Share

Bible tolumọmịnị ifiebo wo mịẹ pọwẹị nanamịnị, omịnị ba wo tolumọdẹ yebo gbaa zịnịotu pịrịmịnị yobị, wo mịẹ pọwẹị nana dẹịnmịnị. Proverbs 11:25 gbaa amọ: “Baratụa zịnị kịmị pịrịmịnị kịmịmị baratụa wó angọ kpọ pịrịmịnị.”

Omịnị wo tolumọdẹ yebo gbaa zịnịotu pịrịdaba, baratụa wo pịrịwẹrị tolumọdẹ yebo ukie bá sụọtuu kpọ nimi-dẹịnmịnị. Wo gbaa á pịrị yebo arere mịẹpaamọ á pịrị a paaemi duonị, bịsẹ yọmị wo mịẹ pọwẹị nanamịnị.—Acts 20:35.

Bei mịẹdi: Bomịnị week laadaba, iné tolumọdẹ yebo gbaa zịnịotu pịrịmụ fomuun mịẹpaamọ. Akị iné warịbolou ụbọ, ị́mọ mó kẹnị itu emi ụbọ, ị́mọ mó kẹnịyọ fịrị wẹnịmịnị ụbọ, ị́mọ mó kẹnị school emi ụbọ, iné ọvị ụbọ, anịghakpọ egberị gbaayọ ị́mọ mó gbelei ụbọ mọ mịẹdi. Fun diigha bara bọụbọụ bá gaan bara ka kị egberi gbaa ụbọ pịrị.

Ukie: Tolumọdẹ yebo kọn kịmịotu kụrọmọ, anịa seribẹbẹ ị́ laamụ bara kọn ịkịọụ tụa wẹrị gbaa á pịrị kụmọ.—1Cor. 8:1.