1 Cronicas
18 Ket naaramid kalpasanna a ni David kinabilna dagiti Filisteo+ ket pinarukmana ida ket innalana ti Gat+ ken dagiti agpampannuray nga ilina iti ima dagiti Filisteo. 2 Kalpasanna kinabilna ti Moab,+ ket dagiti Moabita nagbalinda nga ad-adipen ni David a mangipapaay iti impuesto.+
3 Ket ni David kinabilna ni Hadadezer+ nga ari ti Zoba+ idiay Hamat+ bayat a mapmapanna ipasdek ti panangiturayna idiay karayan Eufrates.+ 4 Kanayonanna, nangkautibo ni David manipud kenkuana iti sangaribu a karuahe ken pito ribu a kumakabalio ken duapulo a ribu a lallaki a magmagna.+ Kalpasanna linugpi+ ni David dagiti amin a kabalio ti karuahe,+ ngem nangitedda kadakuada iti sangagasut a kabalio ti karuahe. 5 Idi immay ti Siria ti Damasco tapno tumulong ken Hadadezer nga ari ti Zoba,+ nangkabil ni David iti duapulo ket dua a ribu a lallaki kadagiti Sirio. 6 Kalpasan dayta nangisaad ni David kadagiti garison idiay Siria ti Damasco,+ ket dagiti Sirio nagbalinda nga ad-adipen ni David a mangipapaay iti impuesto.+ Ket nagtultuloy a nangipaay ni Jehova iti panangisalakan ken David sadinoman a napananna.+ 7 Mainayon pay, innala ni David dagiti nagsirkulo a kalasag+ a balitok nga adda idi kadagiti adipen ni Hadadezer ket inyegna ida idiay Jerusalem.+ 8 Ket manipud Tibat+ ken Cun, dagiti siudad ni Hadadezer, nangala ni David iti adu unay a gambang. Babaen iti dayta inaramid ni Solomon ti baybay a gambang+ ken dagiti adigi+ ken dagiti aruaten a gambang.+
9 Idi a ni Tou nga ari ti Hamat+ nangngegna a kinabil ni David ti intero a puersa militar ni Hadadezer+ nga ari ti Zoba, 10 dagus nga imbaonna ken Ari David ni Hadoram+ nga anakna tapno imtuodenna ti kasasaadna ken kablaawanna gapu iti kinapudno nga isu nakirupak ken Hadadezer iti kasta kinabilna, (ta nasanay ni Hadadezer iti pannakigubat ken Tou,) ket adda a naikuyog kenkuana ti amin a kita ti ar-aruaten a balitok ken pirak+ ken gambang. 11 Dagitoy met sinantipikar+ ni Ari David ken Jehova agraman ti pirak ken ti balitok nga innalana kadagiti amin a nasion,+ manipud iti Edom ken manipud iti Moab+ ken manipud iti annak ni Ammon+ ken manipud kadagiti Filisteo+ ken manipud iti Amalek.+
12 No maipapan ken Abisai+ nga anak ni Zeruia,+ kinabilna dagiti Edomita idiay Ginget ti Asin,+ sangapulo ket walo a ribu. 13 Gapuna nangisaad kadagiti garison idiay Edom, ket amin dagiti Edomita nagbalinda nga ad-adipen ni David.+ Ket intultuloy ni Jehova nga insalakan ni David sadinoman a napananna.+ 14 Ket ni David nagtultuloy nga agturay iti intero nga Israel,+ ket nagtultuloy a nangipaay iti hudisial a pangngeddeng ken kinalinteg kadagiti amin a kailianna.+ 15 Ket ni Joab nga anak ni Zeruia isu idi ti panguluen ti buyot,+ ket ni Jehosafat+ nga anak ni Ahilud isu ti agilislista. 16 Ket ni Sadok+ nga anak ni Ahitub ken ni Ahimelec+ nga anak ni Abiatar papadida, ket ni Savsa+ isu ti sekretario. 17 Ket ni Benaias+ nga anak ni Jehoiada+ isu idi ti panguluen dagiti Kereteo+ ken dagiti Peleteo;+ ket ti annak ni David isuda ti umuna iti saad iti dasig ti ari.+