2 Cronicas
16 Iti maikatallopulo ket innem a tawen ti panagturay ni Asa, simmang-at ni Baasa+ nga ari ti Israel maibusor iti Juda ket rinugianna a bangonen ti Rama,+ tapno saanna a palubosan ti asinoman a rummuar wenno sumrek a mapan ken Asa nga ari ti Juda.+ 2 Inruar ita ni Asa ti pirak ken balitok manipud kadagiti gameng ti balay ni Jehova+ ken ti balay ti ari+ ket impatulodna ken Ben-hadad+ nga ari ti Siria,+ nga agnanaed idi idiay Damasco,+ a kunkunana: 3 “Adda maysa a tulag iti nagbaetanta ken iti nagbaetan ni amak ken ni amam. Adtoy mangipatulodak kenka iti pirak ken balitok. Mapanka, rakrakem ti tulagmo ken Baasa+ nga ari ti Israel, tapno pumanaw koma kaniak.”+
4 Gapuna ni Ben-hadad inimdenganna ni Ari Asa ket imbaonna ti papanguluen dagiti puersa militar a kukuana maibusor kadagiti siudad ti Israel, iti kasta kinabilda ti Ijon+ ken Dan+ ken Abel-maim+ ken amin dagiti lugar a pagidulinan+ dagiti siudad ti Neftali.+ 5 Ket naaramid nga apaman a nangngegan dayta ni Baasa, dagus nga insardengna a binangon ti Rama ket insardengna ti trabahona.+ 6 No maipapan ken Asa nga ari, innalana ti intero a Juda,+ ket binunagda nga impanaw dagiti bato ti Rama+ ken dagiti kayona a pinagbangon ni Baasa,+ ket rinugianna a bangonen babaen kadagita ti Geba+ ken ti Mizpa.+
7 Ket iti dayta a tiempo, ni Hanani+ a pumaparmata immay ken Asa nga ari ti Juda ket kalpasanna kinunana kenkuana: “Agsipud ta nagkammatalekka iti ari ti Siria+ ket saanka a nagkammatalek ken Jehova a Diosmo,+ iti dayta a rason nakatalaw iti imam ti puersa militar ti ari ti Siria. 8 Saan aya a dagiti met laeng Etiope+ ken dagiti taga Libya+ dakkel unay ti kinaaduda a puersa militar, kadagiti karuahe ken kadagiti kumakabalio;+ ket gapu iti panagkammatalekmo ken Jehova saan aya nga intedna ida iti imam?+ 9 Ta, no maipapan ken Jehova, mapan nga agsublisubli dagiti matana+ iti intero a daga+ tapno ipakitana ti pigsana maigapu kadagidiay a ti pusoda+ naan-anay kenkuana. Nagtignayka a simamaag+ maipapan itoy, ta manipuden ita addanto gubgubat a maibusor kenka.”+
10 Nupay kasta, nagrurod ni Asa iti pumaparmata ket inkabilna iti balay dagiti tul-ong,+ agsipud ta nagpungtot unay kenkuana gapu itoy.+ Ket rinugian ni Asa nga ilupitlupit+ ti dadduma pay kadagiti umili iti dayta met laeng a tiempo. 11 Ket, adtoy! dagiti pasamak ni Asa, ti umuna ken ti maudi, sadiay naisuratda iti Libro+ ti Ar-ari ti Juda ken ti Israel.
12 Ket ni Asa iti maikatallopulo ket siam a tawen ti panagturayna naaddaan iti an-annayen iti sakana agingga a nagsakit iti kasta unay;+ ket uray iti panagsakitna binirokna saan a ni Jehova+ no di ket dagiti manangpaimbag.+ 13 Kamaudiananna nakikaidda ni Asa kadagidi ammana+ ket natay iti maikauppat a pulo ket maysa a tawen ti panagturayna. 14 Gapuna intabonda iti naindaklan a lugar a pagitabonanna+ a kinalina maipaay kenkuana idiay Siudad ni David;+ ket impaiddada iti pagiddaan a napno iti lana ti balsamo+ ken nadumaduma a kita ti sapsapo+ a nailaok iti maysa a sapsapo a naisangsangayan ti pannakaaramidna.+ Kanayonanna, nangaramidda iti maysa a nalablabes ti kinadakkelna a pamumpon a panagpuor+ maipaay kenkuana.