Salmo

122 Nagrag-oak idi kinunada kaniak:+

“Mapantayo+ idiay balay ni Jehova.”+

 2 Dagiti sakami sitatakderda idi+

Iti uneg dagiti ruanganmo, O Jerusalem.+

 3 Ti Jerusalem maysa a naibangon a kas siudad+

A napagsisilpo iti panagmaymaysa,+

 4 A sadiay simmang-at dagiti tribu,+

Dagiti tribu ni Jah,+

Kas maysa a pammalagip iti Israel+

Tapno agyamanda iti nagan ni Jehova.+

 5 Ta sadiay naisaad dagiti trono a maipaay iti panangukom,+

Dagiti trono maipaay iti balay ni David.+

 6 O agkiddawkayo maipaay iti talna ti Jerusalem.+

Dagidiay mangay-ayat kenka, O siudad, mawayawayaandanto iti panagdanag.+

 7 Agtultuloy koma ti talna iti uneg ti baluartem,+

Ti kinawayawaya iti panagdanag iti uneg dagiti pagnaedan a torrem.+

 8 Maipagapu iti kakabsatko ken kakaduak agsaoak itan:+

“Maadda koma ti talna iti unegmo.”+

 9 Maipagapu iti balay ni Jehova a Diosmi+

Itultuloykanto nga isapulan iti naimbag.+