Ni David.
138 Idayawkanto buyogen ti isuamin a pusok.+
Iti sanguanan dagiti sabali a didios mangipaayakto iti samiweng kenka.+
2 Agruknoyakto a sisasango iti nasantuan a templom,+
Ket idayawkonto ti naganmo,+
Gapu iti naayat a kinamanangngaasim+ ken gapu iti kinapudnom.+
Ta intan-okmo ti sasaom+ uray pay iti ringbaw ti intero a naganmo.+
3 Iti aldaw nga immawagak, sinungbatannak met;+
Rinugiannak a patureden iti pigsa+ itoy kararuak.
4 Ti amin nga ar-ari iti daga idayawdakanto, O Jehova,+
Ta nangngegdanton dagiti sasao ti ngiwatmo.
5 Ket agkantadanto maipapan iti daldalan ni Jehova,+
Ta ti dayag ni Jehova dakkel.+
6 Ta ni Jehova nangato, ket kaskasdi a makitana daydiay napakumbaba;+
Ngem daydiay napangato ammona laeng iti adayo.+
7 No magnaak koma iti tengnga ti riribuk, taginayonennakto a sibibiag.+
Gapu iti unget dagiti kabusorko iyunnatmonto ta imam,+
Ket ti makannawan nga imam isalakannakto.+
8 Ni met laeng Jehova an-anayennanto no ania ti maigapu kaniak.+
O Jehova, ti naayat a kinamanangngaasim ket agingga iti tiempo a di nakedngan.+
Dika baybay-an dagiti aramid ti bukodmo nga im-ima.+