Salmo

137 Iti igid dagiti karayan ti Babilonia+—sadiay nagtugawkami.+

Nagsangitkami met idi nalagipmi ti Sion.+

 2 Kadagiti kayo nga alamo+ iti tengngana

Insab-itmi dagiti arpami.+

 3 Ta sadiay dagidiay mangik-ikut kadakami kas kautibo nagkiddawda kadakami iti sasao ti maysa a kanta,+

Ken dagidiay mangrabrabak kadakami—iti panagrag-o:+

“Kantaandakami iti maysa kadagiti kanta ti Sion.”+

 4 Kasano a makantami ti kanta ni Jehova+

Iti ganggannaet a daga?+

 5 No lipatenka koma, O Jerusalem,+

Ti makannawan nga imak mananglipat koma.

 6 Ti dilak dumket koma iti ngadasko,+

No saanka a lagipen,+

No saanko nga ipangpangruna ti Jerusalem

Nga ad-adda ngem iti kangrunaan a makagapu iti panagrag-ok.+

 7 Lagipem,+ O Jehova, ti maipapan iti annak ti Edom+ ti aldaw ti Jerusalem,+

Isuda a nagkunkuna: “Iduyayyatyo dayta! Iduyayyatyo dayta agingga iti pamuon iti unegna!”+

 8 O anak a babai ti Babilonia, a maagawan,+

Naragsakto daydiay a manggunggona kenka+

Babaen iti bukodmo a panangtrato a pinangtratom kadakami.+

 9 Naragsakto daydiay manggammat ken mangburburak+

Iti annakmo iti napasdok a bato.