Ezekiel

1 Ita naaramid iti maikatallopulo a tawen, iti maikapat a bulan, iti maikalima nga aldaw ti bulan, bayat nga addaak idi iti tengnga dagiti naidestiero+ nga umili iti igid ti karayan Kebar,+ a ti langlangit naluktan+ ket nangrugiak a makakita kadagiti sirmata ti Dios.+ 2 Iti maikalima nga aldaw ti bulan, a dayta ket, iti maikalima a tawen ti pannakaidestiero ni Ari Jehoiaquin,+ 3 ti sao ni Jehova dimteng+ nga espesipiko ken Ezequiel+ nga anak ni Buzi a padi iti daga dagiti Caldeo+ iti igid ti karayan Kebar, ket ti ima ni Jehova naadda kenkuana+ iti dayta a disso.

4 Ket nangrugi a makitak, ket, adtoy! adda nadawel unay nga angin+ nga um-umay manipud iti amianan, dakkel nga aripuno dagiti ulep+ ken apuy a gumaygayebgeb,+ ket addaan raniag iti intero nga aglikmut, ket manipud iti tengngana adda maysa a kas iti langa ti elektrum, manipud tengnga ti apuy.+ 5 Ket manipud tengngana adda ti kaasping ti uppat a sibibiag a parsua,+ ket kastoy ti panaglanglangada: kaaspingda ti naindagaan a tao. 6 Ket tunggal maysa addaan iti uppat a rupa,+ ket tunggal maysa kadakuada addaan iti uppat a payak.+ 7 Ket ti saksakada nalinteg a saksaka, ket ti dapan ti saksakada kas iti dapan ti saka ti kigaw a baka;+ ket rumimatrimatda a kas iti kinarangrang ti napasilap a gambang.+ 8 Ket adda idi im-ima ti tao iti baba dagiti payakda iti uppat a sikiganda,+ ket isuda nga uppat adda ruprupada ken paypayakda.+ 9 Dagiti payakda nagsabat ti maysa iti sabali. Saanda nga agbaw-ing no mapanda; mapanda tunggal maysa nga agtartarus iti sanguanan.+

10 Ket no maipapan iti kaasping dagiti rupada, isuda nga uppat addaanda iti rupa ti tao+ nga iti makannawan+ rupa ti leon,+ ket isuda nga uppat addaanda iti rupa ti toro+ iti makannigid;+ isuda nga uppat addaanda met iti rupa ti agila.+ 11 Kasta idi dagiti rupada. Ket dagiti payakda+ nakaukrad nga agpangato. Tunggal maysa addaan iti dua a nagsabat iti maysa ken maysa, ket dua ti nangabbong kadagiti bagida.+

12 Ket mapanda tunggal maysa nga agtartarus iti sanguanan.+ Iti sadinoman a pagannayasan a papanan ti espiritu, mapanda.+ Saanda nga agbaw-ing bayat a mapanda.+ 13 Ket no maipapan iti kaasping dagiti sibibiag a parsua, ti langada ket kas kadagiti sumsumged a beggang ti apuy.+ Maysa a banag a kas iti langa dagiti aluten+ ti agsublisubli idi iti nagbabaetan dagiti sibibiag a parsua, ket ti apuy naraniag, ket manipud iti apuy adda agruar a kimat.+ 14 Ket iti biang dagiti sibibiag a parsua adda agruar ken agsubli a kas iti langa ti kimat.+

15 Bayat a kumitkitaak kadagiti sibibiag a parsua, ay ket, adtoy! adda maysa a pilid iti daga iti abay dagiti sibibiag a parsua,+ iti arpad ti uppat a rupa ti tunggal maysa.+ 16 No maipapan iti langa dagiti pilid+ ken ti pakabuklanda, dayta ket kasla iti rangrang ti krisolito;+ ket isuda nga uppat agkakaaspingda. Ket ti langada ken ti pakabuklanda kasla no ti maysa a pilid adda iti tengnga ti maysa a pilid.+ 17 Idi napanda sinaggaysa a mapanda iti uppat a sikiganda.+ Saanda a bumaw-ing iti sabali a dalan idi napanda.+ 18 Ket no maipapan kadagiti kalasikasda, nakataytayagda nga iti kasta nakaparnuayda iti panagbuteng; ket dagiti kalasikasda napno kadagiti mata iti intero nga aglikmutda nga uppat.+ 19 Ket idi napan dagiti sibibiag a parsua, dagiti pilid mapanda a siaasibay kadakuada, ket no maipangato idi dagiti sibibiag a parsua manipud iti daga, maipangato dagiti pilid.+ 20 Sadinoman a pagannayasan a papanan ti espiritu, mapanda, ti espiritu nga agannayas a mapan sadiay; ket dagiti met laeng pilid maipangato iti arpadda, ta ti espiritu ti sibibiag a parsua adda kadagiti pilid. 21 Idi napanda, mapan dagitoy; ket idi nagtakderda a siiintek, agtakder a siiintek dagitoy; ket idi naipangatoda manipud iti daga, dagiti pilid maipangato iti arpadda, ta ti espiritu ti sibibiag a parsua adda kadagiti pilid.+

22 Ket iti ngato ti ul-ulo dagiti sibibiag a parsua adda ti kaasping ti maysa a tangatang+ kas iti silap ti nakaam-amak a yelo, a nayunnat iti ngato dagiti uloda.+ 23 Ket iti sirok ti tangatang nalinteg dagiti payakda, ti maysa agturong iti sabali. Tunggal maysa addaan dua a payak a mangab-abbong iti daytoy a sikigan ket tunggal maysa addaan iti dua a mangab-abbong iti dayta a sikigan kadagiti bagida. 24 Ket nangngegko ti uni dagiti payakda, maysa nga uni a kas iti uni ti nakalawlawa a dandanum,+ kas iti uni Daydiay Mannakabalin-amin, idi napanda, ti uni ti arimbangaw,+ kas iti uni ti panagpakarso.+ Idi nagsardengda, ibabada dagiti payakda.

25 Ket adda idi timek iti ngatuen ti tangatang nga adda iti ngato ti uloda. (Idi nagtakderda a siiintek, ibabada dagiti payakda.) 26 Ket iti ngatuen ti tangatang nga adda iti ngato ti uloda adda maysa a banag a ti langana ket kas iti safiro a bato,+ ti kaasping ti maysa a trono.+ Ket iti rabaw ti kaasping ti trono adda kaasping ti maysa a ti langana ket kas iti naindagaan a tao iti rabaw dayta,+ iti ngato. 27 Ket nakitak ti maysa a banag a kas iti rangrang ti elektrum,+ kas iti langa ti apuy iti intero nga aglikmut iti uneg dayta,+ manipud iti langa dagiti padingpadingna ken agpangato; ket manipud iti langa dagiti padingpadingna ken agpababa nakitak ti maysa a banag a kas iti langa ti apuy, ket isu addaan raniag iti intero nga aglikmut. 28 Adda maysa a banag a kas iti langa ti bai+ nga agparang iti aripuno dagiti ulep iti aldaw ti agbuyat a tudo. Kasta idi ti langa ti raniag iti aglikmut. Dayta ti langa a kaasping ti dayag ni Jehova.+ Idi nakitak dayta, idin insubusobko ti rupak,+ ket nangrugi a mangngegko ti timek ti maysa nga agsasao.