1 Tesalonica
2 Iti kinaagpaysuanna, dakayo pagaammoyo, kakabsat, no kasano a ti isasarungkarmi+ kadakayo saan nga awanan kadagiti nagbanagan,+ 2 no di ket no kasano, kalpasan nga immuna a nagsagabakami+ ken sikukuspag a natrato+ (kas iti pagaammoyo) idiay Filipos,+ a nagurnongkami iti kinatured babaen iti Diostayo tapno sawenmi+ kadakayo ti naimbag a damag ti Dios buyogen ti kasta unay a pannakidangadang. 3 Ta ti pammagbaga nga ipaaymi saan nga agtaud manipud iti biddut wenno manipud iti kinarugit+ wenno addaan allilaw, 4 no di ket, kas iti panangpaneknek kadakami ti Dios kas maikari a pakaitalkan+ ti naimbag a damag, gapuna agsaokami, kas mangay-ayo,+ saan a kadagiti tattao, no di ket iti Dios, a mangsubok kadagiti pusomi.+
5 Iti kinapudnona, uray kaano saankami nga immay buyogen ti mamaspasablog a sasao,+ (kas iti pagaammoyo) wenno buyogen ti ulbod a pammarang+ maipaay iti kinaagum,+ ti Dios ti makasaksi! 6 Saanmi met a sinapsapul ti dayag manipud kadagiti tattao,+ saan, uray manipud kadakayo wenno manipud iti sabsabali, nupay kabaelanmi koma ti agbalin a nangina a dadagsen+ kas apostol ni Kristo. 7 Iti kasupadina, nagbalinkami a naalumamay iti tengngayo, a kas met laeng no ti agtagtagibi nga ina taripatuenna+ dagiti bukodna nga annak. 8 Gapuna, yantangay adda kinalailomi kadakayo,+ naay-ayokami unay a mangiburay kadakayo, saan laeng a ti naimbag a damag ti Dios, no di ket kasta met dagiti bukodmi a kararua,+ agsipud ta nagbalinkayo a dungdungnguenmi.+
9 Sigurado a malaglagipyo, kakabsat, ti bannog ken rigatmi. Nabuyogan dayta iti panagtrabaho+ iti rabii ken aldaw, tapno saankami a mangikabil iti nangina a dadagsen iti asinoman kadakayo,+ nga inkasabami kadakayo ti naimbag a damag ti Dios. 10 Dakayo ti makasaksi, kasta met ti Dios, no kasano a nagbalinkami a nasungdo ken nalinteg ken awan pakababalawanna+ kadakayo a manamati. 11 Maitunos iti dayta pagaammoyo unay no kasano, kas iti aramiden ti maysa nga ama+ iti annakna, a nagtultuloy a binagbagaanmi+ ti tunggal maysa kadakayo, ket nangliwliwa ken nangsaksikami kadakayo, 12 iti panggep nga agtultuloykayo a magna+ a maikari iti Dios a mangay-ayab+ kadakayo iti pagarian+ ken dayagna.
13 Pudno unay, dayta ti makagapu nga agyamankami met a di agressat iti Dios,+ agsipud ta idi inawatyo ti sao ti Dios,+ a nangngegyo kadakami, inawatyo dayta, saan a kas sao dagiti tattao,+ no di ket, kas iti kinapudno daytoy, kas sao ti Dios, nga agtigtignay met kadakayo a manamati.+ 14 Ta nagbalinkayo a tumutulad, kakabsat, kadagiti kongregasion ti Dios nga adda idiay Judea a naikaykaysa ken Kristo Jesus, agsipud ta nangrugikayo met a nagsagaba+ iti im-ima dagiti mismo a kailianyo iti isu met laeng a bambanag a kas iti sagsagabaenda met iti im-ima dagiti Judio, 15 a nangpapatay uray pay ken Apo Jesus+ ken kadagiti mammadto+ ken nangidadanes kadakami.+ Kanayonanna pay, saanda nga ay-aywen ti Dios, no di ket maibusorda kadagiti pagimbagan ti amin a tattao, 16 bayat a padpadasendakami a lapdan+ nga agsao kadagiti tattao iti nasnasion tapno maisalakan koma dagitoy,+ nga agbanag iti kankanayon a panangpunnoda iti rukod+ ti basbasolda. Ngem ti pungtotna dimtengen kadakuada iti kamaudiananna.+
17 Ngem no maipapan kadakami, kakabsat, idi naulilakami kadakayo iti apagbiit laeng a tiempo, iti persona, saan nga iti puso, inkagumaanmi nga adayo nga ad-adda ngem iti gagangay a kitaen ti ruprupayo buyogen ti dakkel a tarigagay.+ 18 Gapu itoy a rason tinarigagayanmi ti umay kadakayo, wen, siak ni Pablo, agpadpada iti naminsan ken iti maikadua a daras, ngem binangenan ni Satanas ti danami. 19 Ta ania ti namnamami wenno rag-o wenno korona+ ti panagrag-omi—ay ket, saan aya a dakayo iti kinapudnona?—iti sanguanan ni Apotayo a Jesus iti kaaddana?+ 20 Pudno unay a dakayo ti dayag ken rag-omi.