Job

13 “Wen, nakitak amin daytoy,

Nangngeg ken naawatak dayta.

 2 Ammok met dagiti ammoyo;

Saanak a nababbaba ngem dakayo.

 3 Kaykayatko laengen ti makisarita iti Mannakabalin-amin;

Kayatko nga ilawlawag ti kasok iti Dios.+

 4 Ngem padpadaksendak iti adu a kinaulbod;

Aminkayo ket awan serserbina a mangngagas.+

 5 Saankay la koman nga agsasao,

Tapno maipakitayo a masiribkayo.+

 6 Pangngaasiyo ta denggenyo dagiti argumentok,

Ken ipangagyo dagiti panagpakaasik.

 7 Iti nagan ti Dios, agsaokayto aya iti kinakillo,

Ken agsaokayto aya iti makaallilaw para kenkuana?

 8 Kumanunongkayto aya kenkuana,*

Ikagumaanyonto aya a suportaran ti pudno a Dios iti kasona?

10 Sigurado a tubngarennakayto

No sililimed a padasenyo nga ipakita ti paboritismo.+

11 Saanyonto aya a kabuteng ti mismo a kinadayagna

Ken dikay kadi agpigerger gapu iti butengyo kenkuana?

12 Ti nainsiriban* nga ibagbagayo ket pagsasao nga awan serserbina a kas iti dapo;

Kas iti pila ti kinarukop dagiti pangdepensayo.*

14 Apay nga isarsarakko ti bagik*

Ken apay nga irisrisgok ti biagko?*

15 Uray no patayennak, mangnamnamaak latta;+

Ikalintegak ti kasok* iti sangona.

16 Isu ti mangisalakan kaniak,+

Ta awan ti rebelioso a tao* a makapan iti sangona.+

17 Denggenyo a naimbag ti saok;

Ipangagyo ti ibagak.

18 Kitaenyo, naisaganakon ti kasok;

Ammok a siak ti husto.

20 O Dios, patgam koma ti dua laeng a dawatek kenka;*

Tapno saankanto nga ilemmengan;

21 Ikkatem kaniak ti nadagsen nga imam,

Ken dimo ipalubos a kaamakko ti agbuteng kenka.+

22 Agsaoka ket sungbatanka,

Wenno palubosannak nga agsao, ket sungbatannak.

24 Apay a tallikudannak+

Ken ibilangnak a kabusormo?+

25 Padasem kadi a butbutngen ti maitaytayab a bulong,

Wenno kamatem kadi ti nagango a garami?

26 Ta ilislistam dagiti nasakit nga akusasionmo kaniak,

Ken dusdusaennak kadagiti basolko idi agtutuboak.

27 Inkabilmo dagiti sakak iti tul-ong,

Sipsiputam amin a pappapanak;

Ken paspasurotam ti tunggal tugot ti sakak.

28 Isu nga agrupsa ti tao* a kas iti banag a marunot,

Kas iti bado nga ibusen dagiti insekto.*