Job

 2 “Sumungbatto aya ti masirib a tao iti awan serserbina a panagrasrason,*

Wenno punnuennanto aya ti tianna iti angin ti daya?

 3 Awan serserbina ti panangtubngar babaen laeng ti sasao,

Ken awan ti pagsayaatan ti panagsao laeng.

 4 Ta tagtagilag-anem ti panagbuteng iti Dios,

Ken tagtagibassitem ti kinapateg ti panangpanunot iti Dios.

 5 Ta ti kamalim ti mangidiktar iti ibagam,*

Ken piliem ti mangallilaw a sasao.

 6 Ti mismo a ngiwatmo ti mangkritikar kenka, saan a siak;

Agtestigo ti mismo a bibigmo kontra kenka.+

 7 Sika aya ti kaunaan a tao a nayanak,

Wenno nayanakkan aya sakbay a naadda dagiti turod?

 8 Mangmangngegmo kadi ti Dios bayat nga ibagbagana dagiti kompidensial a banag,

Wenno sika laeng kadi ti tao a masirib?

10 Adda kadakami dagiti ubanan ken nataengan,+

Dagiti adayo a laklakay ngem ni amam.

11 Kurang pay kadi ti panangliwliwa kenka ti Dios,

Wenno dagiti sasao a siaalumamay a naibaga kenka?

12 Apay nga ipalpalubosmo a kontrolennaka ti pusom,

Ken apay a kasla kumilaw dagita matam?

13 Ta kapungtotmo ti Dios,

Ken baybay-am a rummuar iti ngiwatmo dagiti kasta a sasao.

14 Adda aya tao a nadalus,

Wenno adda aya nalinteg nga inyanak ti maysa a babai?+

15 Kitaem! Awan panagtalekna kadagiti anghelna,*

Ken uray ti langit ket saan a nadalus iti panagkitana.+

16 Lallalo pay ngarud no narugit ken dakes ti maysa a tao,+

A pagay-ayatna ti kinakillo a kas iti mawaw a kayatna ti uminum!

Estoriaekto dagiti nakitak.

18 Dagiti inyestoria ti masirib a tattao manipud kadagidi ammada,+

Dagiti bambanag a saan a nailimed.

19 Isuda laeng ti nakaitedan ti daga,

Ken awan ti estranghero a limmabas iti ayanda.

20 Agrigrigat ti managdakdakes iti intero a panagbiagna,

Agtutuok ti manangikuspil iti amin a tawtawen ti biagna.

21 Nakabutbuteng nga uni ti mangmangngegna;+

Iti tiempo ti talna, umatake dagiti agtambang kenkuana.

22 Saanna a patien a makalibas iti kasipngetan;+

Agur-uray ti espada a mangpatay kenkuana.

24 Rigat ken tuok ti agtultuloy a mangbutbuteng kenkuana;

Napigpigsada ngem isuna a kas iti ari a nakasagana a rumaut.

25 Ta iyunnatna ti imana a mangkarit iti Dios,

Ken padasenna a kontraen* ti Mannakabalin-amin;

26 Nakatangtangsit a bumusor Kenkuana,

Babaen ti napuskol ken natibker a kalasagna;*

27 Nakaluklukmeg ti rupana,

Ken nakatabtaba ti patongna;

28 Aggigian kadagiti siudad a madadaelto,

Kadagiti balay nga awan ti agnaed,

Nga agbalinto a bunton ti batbato.

29 Saanto a bumaknang, ken saanto nga umadu ti kinabaknangna,

Saanto met nga agwaras dagiti sanikuana iti daga.

30 Saanto a makalibas iti kasipngetan;

Magangonto ti saringitna* gapu iti apuy,

Ken matayto gapu iti pug-aw ti Dios.+

31 Saan a rumbeng nga agtalek ken agpaallilaw iti awan serserbina a banag,

Ta awanto met laeng ti magunggonana;

32 Mapasamakto dayta sakbay ti aldawna.

Ken saanto a pulos dumakkel dagiti sangana.+

33 Kas iti ubas a mangiregreg kadagiti di pay naluom a bungana,

Ken kas iti kayo nga olibo a mangwagwag kadagiti sabongna.

34 Ta inutil ti grupo dagiti rebelioso,*+

Ken mauramto dagiti tolda dagiti agpaspasuksok.

35 Mangyinawda iti riribuk ken mangyanakda iti dakes,

Ket panangallilaw ti patauden ti aanakanda.”