Job
3 Kalpasan daytoy, nagsao ni Job ket inlunodna ti aldaw ti pannakayanakna.*+ 2 Imbaga ni Job:
3 “Saan la koman a dimteng ti aldaw ti pannakayanakko,+
Ken ti rabii nga adda nagkuna, ‘Adda nayanak a lalaki!’
4 Simmipnget koma daydi nga aldaw.
Linipat la koman ti Dios dayta;
Awan koma ti lawag a nagsilnag iti dayta.
5 Pasublien koma dayta ti kasta unay a kinasipnget.*
Kinumotan koma dayta ti nangisit nga ulep.
Ti koma nakabutbuteng a kinasipnget ti nangabbong iti lawag daydi nga aldaw.
6 Daydi a rabii—innala koma ti nakaro a kinasipnget;+
Saan koma a naragsak dayta kadagiti aldaw ti makatawen,
Saan koma a nairaman dayta kadagiti bilang dagiti bulan.
7 Talaga a nasaysayaat no awan koma ti nayanak iti daydi a rabii;
Awan koma ti nangngeg a panagragragsak.
8 Dagiti mangilunlunod iti aldaw, inlunodda koma dayta,
9 Saan koma a nagrimat dagiti bituen iti apagsipnget;
Saanna koma a nauray ti lawag,
Ket saanna koma a nakita dagiti lawag ti parbangon.
11 Apay a diak pay la natay idi nayanakak?
Apay a diak pay la natay idi addaak iti aanakan ni inak?+
12 Apay ngamin a sinaksaklotnak pay la ni inak
Ken pinaspasusonak?
13 Ta ita agid-iddaak koman a di mais-istorbo,+
Matmaturog ken agin-inana+
14 A kadua ti ar-ari ditoy daga ken dagiti mangbalbalakad kadakuada,
A nangbangon kadagiti pasdek nga ita ket nadadaelen,*
15 Wenno kadua dagiti prinsipe nga aduan iti balitok,
Dagidiay nangpunno iti balbalayda iti pirak.
16 Wenno apay a saanak pay la a naregreg idi maysaak pay la a sikog,
Kas iti ubbing a saanda a nakita ti lawag?
18 Sadiay a natalnan ti kasasaad dagiti balud;
Didan mangngeg ti timek ti mangpilpilit kadakuada nga agtrabaho.
21 Apay a saan a matay dagidiay kayatdan ti matay?+
Dayta ti tartarigagayanda imbes a dagiti nalmeng a kinabaknang,
22 Dagidiay maay-ayatan unay
Ken maragragsakan ta masarakanda ti pakaitabonanda.
25 Ta napasamaken ti pagbutbutngak,
Ken nagtupaken kaniak ti pagam-amkak.
26 Awan talna, ulimek, ken inana ti biagko,
Awan patingga ti panagrigatko.”