2 “Itedmo ti bilin iti annak ti Israel a masapul nga ipaayanda dagiti Levita kadagiti siudad+ a pagnaedan manipud iti tawid a sanikuada, ket rebbeng nga itedda kadagiti Levita ti pagpaaraban dagiti siudad iti intero nga aglawlawda.+

3 Gapuna ti annak ti Israel intedda kadagiti Levita,+ kas imbilin ni Jehova, dagitoy a siudad ken dagiti pagpaarabanda manipud iti tawidda.+

4 Agbalinto a kas nasantuan a bingay manipud iti daga nga agpaay iti mismo a papadi,+ dagiti ministro iti santuario, dagidiay umas-asideg nga agserbi ken Jehova.+ Ket agpaay kadakuada agbalinto dayta a disso a maipaay iti balbalay, ken sagrado a disso a maipaay iti santuario.