Isaias
24 Ikkaten ni Jehova ti amin a nagyan ti daga ken pagbalinenna a nabaybay-an.+
Ibaliktadna* dayta+ ken iwarawarana dagiti agnanaed.+
2 Agpadanto ti mapasamak iti tunggal maysa:
Ti umili ken ti padi,
Ti adipen ken ti amona a lalaki,
Ti adipen ken ti amona a babai,
Ti gumatgatang ken ti aglaklako,
Ti agpabpabulod ken ti bumulbulod,
Ti agpapautang ken ti umut-utang.+
4 Agladingit* ti daga;+ madaddadaelen.
Malaylay ti nabunga a daga; agmagmagan.
Agkakapsuten dagiti prominente a tattao iti daga.
5 Rinugitan dagiti umili ti daga,+
Ta saanda a nagtulnog kadagiti linteg,+
Binaliwanda ti regulasion,+
Isu a bimmassit dagiti agnanaed iti daga,
Ken manmano ti nabati kadakuada.+
8 Simmardeng ti naragsak nga uni ti pandereta;
Nagpatingga ti tagari dagiti agraragsak;
Simmardeng ti naragsak a tokar ti arpa.+
9 Awan ti kanta iti panaginumda iti arak,
Ken napait ti arak kadagidiay umin-inum.
11 Agpukpukkawda iti kalsada ta awan ti arak.
Awanen ti panagraragsak;
Nagpukawen ti rag-o iti daga.+
13 Kastoyto ti pagbalinan ti daga, iti tengnga dagiti umili:
14 Ipigsadanto ti timekda,
Agpukkawdanto a siraragsak.
Manipud iti baybay,* ipakaammodanto ti kinadayag ni Jehova.+
15 Isu nga idaydayawdanto ni Jehova iti lugar ti lawag;*+
Kadagiti isla ti baybay, idaydayawdanto ti nagan ni Jehova a Dios ti Israel.+
16 Manipud ungto ti daga, mangmangngegmi dagiti kanta:
“Dayag* para iti Daydiay Nalinteg!”+
Ngem ibagak: “Agkakapsutak, agkakapsutak!
Kaasiak pay! Mangal-allilaw ti manangallilaw;
Mangal-allilaw ti manangallilaw babaen ti kinaulbod.”+
17 Buteng, abut, ken silo ti agur-uray kenka nga agnanaed iti daga.+
18 Matnagto iti abut ti asinoman nga aglibas gapu iti uni ti pagbutbutngan,
Ket masiluan ti asinoman a makaruar iti abut.+
Ta maluktanto dagiti pagruaran ti danum iti langit,
Ket magunggonto ti pundasion ti daga.
20 Agibar-ibar ti daga a kas iti nabartek a tao,
Ken agpallapallayog a kas iti kalapaw no naangin.
Nakadagdagsen ti basolna,+
Isu a matumba ket saanto a makabangon.
21 Iti dayta nga aldaw, ukomento ni Jehova ti armada iti ngato
Ken dagiti ari iti rabaw ti daga.
22 Maurnongdanto
Kas kadagiti balud a naurnong iti abut,
Ket maipupokda iti bartolina;
Sanguennanto ida kalpasan ti adu nga aldaw.