MIKIAS
1 Daytoy ti imbaga ni Jehova ken Mikias*+ a taga-Moreset idi kaaldawan dagiti ari ti Juda+ a da Jotam,+ Ahaz,+ ken Ezekias,+ a nakitana iti sirmata maipapan iti Samaria ken Jerusalem:
2 “Dumngegkayo, dakayo amin a tattao!
Mangipangagka, O daga ken amin nga adda kenka,
Ket agtestigo koma ti Kangatuan* nga Apo Jehova maibusor kadakayo+
—Ni Jehova manipud iti nasantuan a templona.
3 Ta kitaenyo! Rummuar ni Jehova iti ayanna;
Bumaba ken magna kadagiti nangato a disso iti daga.
4 Marunaw dagiti bantay a mapayatanna,+
Ken magudua dagiti tanap*
Kas iti allid* a malunag iti apuy,
Kas iti danum nga agayus iti rangkis.
Ania ti panagrebelde ni Jacob?
Saan aya a ti Samaria?+
Ket ania dagiti nangato a disso ti Juda?+
Saan aya a ti Jerusalem?
6 Pagbalinek ti Samaria a bunton dagiti rebba,
Lugar a pagmulaan kadagiti ubas;
Batuekto* agingga iti tanap,
Ken rebbaekto dagiti pundasionna.
7 Marumekto amin a kinitikitan nga imahenna,+
Ken mapuoranto ti amin a regalo a naawatna idi impausarna ti bagina.*+
Dadaelekto ti amin nga idolona.
Ta dagita ti naurnongna a bayad ti panagbalangkantisna,
Ket dagita met la ti maibayad kadagiti sabali a balangkantis.”
Kaslanto iti chakal ti panagsangitko,
Ken kaslanto iti abestrus ti panagladingitko.
Nagwarasen agingga iti ruangan ti Jerusalem nga ayan dagiti tattaok.+
10 “Saanyo nga ipadamag dayta idiay Gat;
Dikay pulos agsangit.
Agtulidtulidkayo iti tapok idiay Betafra.*
11 Bumallasiwkayo a nakalabus ken nakababain, dakayo nga agnanaed* idiay Safir.
Saan a rimmuar dagiti agnanaed* iti Zaanan.
Addanto panagsasangit idiay Bet-ezel ket saannakayto a tulongan.
12 Ta dagiti agnanaed* iti Marot ket naguray iti nasayaat,
Ngem dakes ti impalak-am ni Jehova iti ruangan ti Jerusalem.
13 Ipakoyo dagiti kabalio iti karuahe, dakayo nga agnanaed* iti Lakis.+
Dakayo ti nangrugian ti basol ti anak a babai ti Sion,
Ta nasarakan kadakayo dagiti panagrebelde ti Israel.+
14 Isu a mangtedkanto iti regalo ti pammakada iti Moreset-gat.
Dagiti balay iti Akzib+ ket makaallilaw kadagiti ari ti Israel.
15 Iyegkonto pay laeng ti mangparmek kadakayo*+ nga agnanaed* iti Maresa.+
Dumanonto ti dayag ti Israel agingga idiay Adulam.+
16 Agpakalbokayo ken pakuskosanyo ti uloyo gapu kadagiti ipatpategyo nga annak.
Agpakalbokayo a kas iti agila,
Ta naipanawda tapno maadipen iti sabali a daga.”+
2 “Kaasi pay dagidiay agplamplano iti makadangran,
Dagidiay agpangpanggep iti dakes bayat a nakaiddada!
Kabigatanna, itungpalda dayta,
Ta kabaelanda nga aramiden dayta.+
2 No adda kayatda a talon, agawenda;+
No adda kayatda a balay, alaenda;
Saurenda ti maysa a tao tapno maalada ti balayna,+
Ken ti tawidna.
3 Daytoy ngarud ti imbaga ni Jehova:
‘Mangisagsaganaak iti didigra maibusor kadakayo a pamilia+ a saanyonto a malisian.*+
Saankayton a makapagtangsit+ ta tiempo dayta ti didigra.+
Ibagadanto: “Nadadaelkamin a namimpinsan!+
Innalana ti bingay dagiti tattaomi sa intedna iti sabali!+
Intedna dagiti talonmi kadagiti di matalek.”
5 Isu nga iti kongregasion ni Jehova, awanton ti asinoman a mangrukod
Tapno mabingbingay ti daga,
6 “Sumardengkayo a mangasaba!” ikaskasabada,
“Saanda a masapul nga ikasaba dagitoy;
Saankaminto a maibabain!”
7 O sangakabbalayan ni Jacob, ibagbaga kadi dagiti tattao:
“Saan kadin a makaan-anus ni Jehova?*
Aramidna kadi dagitoy?”
Dagiti aya ibagbagak ket saan a pagsayaatan dagiti nalinteg?
8 Ngem iti laeng nabiit, nagbalin dagiti tattaok a kalaban.
Inikkatyo ti napintas nga arkos agraman ti* bado
Kadagiti kampanten ti riknada a kas kadagiti agaw-awid manipud iti gubat.
9 Pinapanawyo dagiti babbai iti ilik kadagiti balay nga ipatpategda;
Innalayo dagiti nagsayaat nga agnanayon a bendision nga intedko kadagiti annakda.
10 Tumakderkayo ket pumanawkayo ta saankayon a makainana iti daytoy a lugar.
Gapu iti kinarugit,+ adda pannakadadael, nakaro a pannakadadael.+
11 No awan serserbi ti ar-aramiden ti maysa a tao ken mangal-allilaw ken ibagbagana daytoy a kinaulbod:
“Ikasabak kadakayo ti maipapan iti arak ken naingel nga inumen,”
No kasta, mangaskasaba laeng tapno maay-ayona dagitoy a tattao!+
Pagkaykaysaekto ida a kas kadagiti karnero a mayapon iti kulongan,
Kas iti arban iti pagpastoran;+
Natagarinto gapu kadagiti tattao.’+
13 Umun-una a lumasat ngem kadakuada daydiay mangabut iti pader;
Palawaenda; sumrekda iti ruangan ken rummuarda iti dayta.+
Umun-unanto a lumasat ti arida,
Ket iturongto ida ni Jehova.”+
3 Kinunak: “Pangngaasiyo ta dumngegkayo, dakayo nga ulo ti sangakabbalayan ni Jacob
Ken dakayo a komander iti sangakabbalayan ti Israel.+
Saan aya a rumbeng nga ammoyo ti kinahustisia?
2 Ngem kagurayo ti naimbag+ ken ayatenyo ti dakes;+
Lapgisenyo ti kudil dagiti tattaok ken ti lasag kadagiti tulangda.+
3 Kanenyo met ti lasag dagiti tattaok+
Ken lalatanyo ida,
Tuktukkolenyo dagiti tulangda agingga a marumrumek dagita+
A kas iti maluto iti kaldero,* kas iti karne iti kaldero.
4 Iti dayta a tiempo, agpatulongdanto ken Jehova,
Ngem saannanto ida a sungbatan.
5 Daytoy ti imbaga ni Jehova maibusor kadagiti propeta a mangyaw-awan kadagiti tattaok,+
Ken mangipukpukkaw iti ‘Talna!’+ bayat nga agngalngalngalda.*+
Ngem ideklarada* ti gubat maibusor iti daydiay saan a mangted iti isakmolda:
6 ‘Rabii ti addanto kadakayo;+ awanto ti sirmata;+
Kinasipngetto laeng ti adda kadakayo, saankayton nga agbuyon.
Lumnek ti init kadagiti propeta,
Ken agsipngetto ti aldaw kadakuada.+
Abbongandanto amin ti imingda,*
Ta saanto ida a sungbatan ti Dios.’”
8 Ngem gapu iti espiritu ni Jehova, napnoak iti bileg
Ken kinahustisia ken pannakabalin,
Tapno maibagak ken Jacob ti panagrebeldena ken iti Israel ti basolna.
9 Pangngaasiyo ta denggenyo daytoy, dakayo nga ulo ti sangakabbalayan ni Jacob
Ken dakayo a komander ti sangakabbalayan ti Israel,+
A manggurgura iti kinahustisia ken mangkilkillo iti amin a nalinteg,+
10 A mangibangbangon iti Sion babaen ti panangpapatay ken mangibangbangon iti Jerusalem babaen ti kinakillo.+
Ngem kaskasdi nga agtaltalekda ken Jehova,* nga ibagbagada:
“Saan kadi nga adda kadatayo ni Jehova?+
Awanto ti mapasarantayo a didigra.”+
12 Isu a gapu kadakayo,
Maaradonto ti Sion a kas iti talon,
Agbalinto ti Jerusalem a bunton dagiti rebba,+
Ken ti bantay ti Balay* ket agbalinto a kas kadagiti nangato a disso iti bakir.*+
4 Iti maudi a paset dagiti aldaw*
Sititibkerto a maipasdek
Ti bantay ti balay ni Jehova iti ngatuen dagiti bantay,+
Ket nangatngatonto ngem kadagiti turod,
Ken agturongto iti dayta dagiti tattao.+
2 Mapanto sadiay ti adu a nasion ket ibagada:
“Umaykayo, sumang-attayo iti bantay ni Jehova
Ken iti balay ti Dios ni Jacob.+
Isuronatayto maipapan kadagiti dalanna,
Ket magnatayto kadagiti danana.”
Ta rummuarto ti linteg* manipud Sion,
Ken ti sao ni Jehova manipud Jerusalem.
3 Agtignayto ti Dios kas ukom kadagiti tattao+
Ket solbarenna dagiti problema* ti nabibileg a nasion iti adayo.
Pitpitendanto ti espadada a pagbalinen a subsob ti arado
Ken dagiti pikada a pagbalinen a kumpay.+
Saanto a mangilayat ti nasion iti espada maibusor iti sabali a nasion,
Ken saandanto metten a sursuruen ti makigubat.+
4 Agtugawto* ti tunggal maysa iti sirok ti ubasna ken iti sirok ti kayona a higos,+
Ken awanto ti pagbutnganda,+
Ta ni Jehova a panguluen dagiti armada* ti nangibaga iti dayta.
5 Ta magnanto ti amin a tattao iti nagan ti diosda,
Ngem magnatayto iti nagan ni Jehova a Diostayo+ iti agnanayon nga awan inggana.
6 “Iti dayta nga aldaw,” kuna ni Jehova,
“Ummongekto daydiay agpilaypilay,
Ken pagtitiponek daydiay naiwarawara,+
Agraman dagidiay sinaktak.
7 Pagtalinaedekto daydiay agpilaypilay,+
Ken pagbalinek a nabileg a nasion daydiay naipanaw iti adayo;+
Ket agturayto kadakuada ni Jehova kas ari idiay Bantay Sion,
Manipud ita ken iti agnanayon.
8 Ket sika, O torre ti pangen,
Ti bunton ti anak a babai ti Sion,+
Umayto kenka, wen, umayto ti umuna* a panagturay,+
Ti pagarian a kukua ti anak a babai ti Jerusalem.+
9 Apay nga agpukpukkawka iti napigsa?
Awan kadi ti arim,
Wenno natay kadin ti mangbalbalakad kenka,
Isu nga agpapaut-otka a kas iti agan-anak a babai?+
10 Agtiritirka gapu iti ut-ot ken umasugka, O anak a babai ti Sion,
Kas iti agan-anak a babai,
Ta panawam ita ti siudad ket agyanka iti away.
Mapanka agingga idiay Babilonia,+
Ket maisalakankanto sadiay;+
Subbotennakanto sadiay ni Jehova iti ima dagiti kabusormo.+
11 Ket maummongto ti adu a nasion a bumusor kenka;
Ibagadanto, ‘Marugitan koma,
Ken makitatayo koma a mapasamak dayta iti Sion.’
12 Ngem saanda nga ammo ti pampanunot ni Jehova,
Saanda a maawatan ti panggepna;*
Ta ummongenna ida a kas iti kagapgapas a maipan iti pagirikan.
13 Bumangonka ken agirikka, O anak a babai ti Sion;+
Ta pagbalinek a landok dagiti saram,
Ken pagbalinek a gambang dagiti kukom,
Ket rumekrumekemto ti adu a tattao.+
Itedmonto ken Jehova ti naganansiada iti sinasaur a pamay-an,
Ken itedmonto dagiti sanikuada iti pudno nga Apo ti intero a daga.”+
Baston ti pangtungpada iti pingping ti ukom ti Israel.+
Maysaka kadagiti kabassitan iti rinibu* ti Juda,
Aggapunto kenka ti mangituray iti Israel a mangaramid iti pagayatak,+
A ti nagtaudanna ket idi un-unana, manipud iti nabayagen a tiempo.
3 Isu a baybay-anto ti Dios dagiti tattaona
Agingga iti tiempo a nakaanaken daydiay aganak.
Ken ti dadduma a kakabsatna ket agsublinto kadagiti tattao ti Israel.
4 Agtignayto ken mangipastor babaen ti bileg ni Jehova,+
Babaen ti autoridad ti kinatan-ok ti nagan ni Jehova a Diosna.
No rauten ti Asiria ti dagatayo ken serkenna dagiti natibker a torretayo,+
Mangdutoktayonto iti pito a pastor, wen, walo a prinsipe* ti sangatauan a mangbusor kenkuana.
Ken isalakannatayto iti Asiria,+
Inton sakupenna ti dagatayo ken serkenna ti teritoriatayo.
7 Dagidiay nabati iti sangakabbalayan ni Jacob ket addanto iti tengnga dagiti tattao
A kasla linnaaw manipud ken Jehova,
Kasla tudo a mangbasa kadagiti mulmula
A saan a mangnamnama iti tao
Wenno aguray iti annak dagiti tattao.
8 Dagidiay nabati iti sangakabbalayan ni Jacob ket maikaduanto kadagiti nasion,
Iti tengnga ti adu a tattao,
Kas iti leon a kadua dagiti animal iti bakir,
Kas iti urbon a leon* a naikadua kadagiti arban ti karnero,
A lumasat, tumukma, ken mangrangrangkay;
Ket awan ti mangisalakan kadakuada.
9 Abakemto dagiti kalabanmo,
Ket madadaelto ti amin a kabusormo.”
10 “Iti dayta nga aldaw,” kuna ni Jehova,
“Patayekto dagiti kabaliom ken perdiek dagiti karuahem.
11 Dadaelekto dagiti siudad iti dagam
Ken rebbaek ti amin a padermo.
13 Dadaelekto dagiti kinitikitan nga imahenmo ken dagiti adigim,
Ket dikanton agruknoy iti aramid dagiti imam.+
15 Gapu iti nakaro a pungtotko, balsekto
Dagiti nasion a saan a nagtulnog kaniak.”
6 Pangngaasiyo ta dumngegkayo iti ibagbaga ni Jehova.
Agsaganakayo, idatagyo ti kasoyo iti sango dagiti bantay,
Ket sapay koma ta mangngeg dagiti turod ti timekyo.+
2 O bambantay, denggenyo ti darum ni Jehova,
Dakayo a natibker a pundasion ti daga,+
Ta idarum ni Jehova ti ilina;
Denggenyo ti argumentona a maibusor iti Israel:+
3 “O tattaok, ania aya ti inaramidko kadakayo?
Adda aya impaaramidko a nangpadagsen kadakayo?+
Agtestigokayo maibusor kaniak.
4 Ta inruarkayo idiay Egipto,+
Sinubbotkayo iti lugar a nakaadipenanyo;+
Imbaonko kadakayo da Moises, Aaron, ken Miriam.+
5 O tattaok, pangngaasiyo ta lagipenyo ti plano idi ni Ari Balak ti Moab,+
Ken ti insungbat kenkuana ni Balaam nga anak ni Beor+
—No ania dagiti napasamak manipud Sitim+ agingga idiay Gilgal+—
Tapno maammuanyo koma dagiti nalinteg nga aramid ni Jehova.”
6 Ania ti itedko ken Jehova inton sumangoak kenkuana?
Ania ti itugotko inton agdaydayawak iti Dios nga adda idiay langit?
Mangtedak kadi kadagiti sibubukel a daton a mapuoran,
Ken kadagiti urbon a baka nga agtawen iti maysa?+
7 Maragsakanto aya ni Jehova iti rinibu a kalakian a karnero
Ken iti pinullo a ribu a pagay-ayusan iti lana?+
8 O tao, imbagana kenka no ania ti naimbag.
Ket ania aya ti kayat* ni Jehova nga aramidem?
Ti laeng panangipakitam iti kinahustisia,*+ ti panangipategmo iti panagbalin a napudno,*+
Ken ti panagbalinmo a naemma+ iti pannakipagnam iti Diosmo!+
9 Agay-ayab ti timek ni Jehova iti siudad;
Agbutengto iti naganmo dagidiay addaan iti praktikal a sirib.
Ipangagyo ti pannusa ken daydiay nangted iti dayta.+
10 Adda pay la kadi dagiti gameng ti kinadakes iti balay ti managdakdakes,
Ken ti kurang nga efa* a makarimon?
11 Agbalin kadi a nadalus* ti panagbiagko no agusarak kadagiti saur a timbangan
Ken supot nga addaan kadagiti padagsen a bato?+
12 Ta nakarangranggas dagiti nabaknang a tattaona,
Ken agul-ulbod dagiti umilina;+
Manangallilaw ti dilada.+
Aniaman dagiti idulinmo, dimonto masalakniban,
Ken aniaman a maitugotmo, itedkonto kadagiti kabusormo.
15 Agmulakanto iti bin-i, ngem saankanto nga agapit.
Agpespeskanto iti olibo, ngem saanmonto a mausar ti lana;
Ken agaramidkanto iti baro nga arak, ngem saankanto nga uminum iti arak.+
16 Ta sinurotyo dagiti paglintegan ni Omri ken ti amin a maar-aramid iti balay ni Ahab,+
Ken tinungpalyo dagiti balakadda.
Isu a pagbalinenkanto a pagbutbutngan
Ken dagiti agnanaed kenkuana ket mauy-uyawto;*+
Ken ibturanyonto ti pananglais kadakayo dagiti tattao.”+
7 Kaasiak pay! Kaslaak la iti daydiay tao,
A kalpasan ti panagburas iti prutas ti kalgaw
Ken panagadas kalpasan ti panagburas iti ubas,
Awan ti masarakanna a sangaraay nga ubas a kanenna,
Ken awan ti nasapa a higos a tartarigagayak* a kanen.
Agtambangda amin tapno mangpapatayda.+
Anupen ti tunggal maysa ti kabsatna iti iket.
3 Nalaing dagiti imada nga agaramid iti dakes;+
Agdawat ti prinsipe,
Agpabayad ti hues,+
Ipakaammo ti prominente dagiti kayatna,*+
Ket pagtutulaganda dayta.*
4 Ti kalainganda ket kas kadagiti siit,
Ti kalilintegan kadakuada ket nakarkaro ngem iti sisiit nga alad.
Ngem dumtengto ti aldaw dagiti parabantayyo ken ti pannakasingiryo,+
Ket matarantadanto.+
5 Diyo patpatien ti kaduayo.
Wenno diyo pagtalkan ti nadekket a gayyemyo.+
Annadanyo ti ibagayo iti agid-idda a kain-innarakupyo.
6 Ta ti anak a lalaki kagurana ti amana,
Ti anak a babai kontraenna ti inana,+
Ken ti manugang a babai kontraenna ti katuganganna a babai;+
Dagiti kabusor ti maysa a tao ket dagiti miembro ti pamiliana.+
7 Ngem itultuloykonto a padaanan ni Jehova.+
Agurayakto* iti Dios a mangisalakan kaniak.+
Denggennakto ti Diosko.+
8 Dinak katkatawaan, O kabusorko.*
Uray natumbaak, bumangonakto;
Uray nasipnget ti pagnanaedak, ni Jehova ti silawko.
9 Ibturakto ti pungtot ni Jehova
—Ta nakabasolak kenkuana+—
Agingga nga ilabanna ti kasok ken itedna kaniak ti hustisia.
Iruarnakto nga ipan iti lawag;
Makitakto ti kinalintegna.
10 Makitanto met ti kabusorko,
Ken marunawto iti bain daydiay nangibaga kaniak:
“Ayanna ni Jehova a Diosmo?”+
Makitakto ti kabusorko
A mapayatpayatan a kasla pitak kadagiti kalsada.
12 Iti dayta nga aldaw, umaydanto kenka
Manipud Asiria ken kadagiti siudad iti Egipto,
Manipud Egipto agingga iti Karayan;*
Manipud iti ballasiw-taaw ken kabambantayan.+
14 Ipastoram ti ilim babaen ti sarukodmo, ti arban a tawidmo,+
Daydiay agmaymaysa nga aggigian iti bakir—iti tengnga ti kakaykaywan.
Bay-am ida a mangan idiay Basan ken Gilead+ a kas idi un-unana.
16 Makitanto dagiti nasion ket mabainanda uray nabilegda.+
Apputendanto dagiti ngiwatda;
Agbalinto a tuleng dagiti lapayagda.
17 Agdilpatdanto iti tapok kas kadagiti uleg;+
Kasladanto kadagiti reptilia iti daga nga agpigpigerger a rummuar iti paglemmenganda.
Maam-amakdanto nga umasideg ken Jehova a Diostayo,
Ket mabutengdanto kenka.”+
18 Asino ti Dios a kas kenka,
A mangpakpakawan ken mangpalpalabas iti basol+ dagiti nabati iti tawidna?+
Saan nga agnanayon ti pungtotna,
Ta pagragsakanna ti napudno nga ayat.+
19 Kaasiannatayto manen;+ parmekennanto* dagiti kamalitayo.
Ipalladawnanto ti amin a basoltayo iti adalem a baybay.+
20 Ipakitamto ken Jacob ti kinamatalekmo,
Ipakitamto ken Abraham ti napudno nga ayatmo,
Kas insapatam kadagidi ammami idi un-unana.+
Napaababa a porma ti Miguel (kaipapananna, “Asino ti kas iti Dios?”) wenno Mikaias (kaipapananna, “Asino ti kas ken Jehova?”).
Wenno “Soberano.”
Wenno “kapatagan.”
Iti Ingles, “wax.”
Wenno “Uborekto.”
Wenno “amin a sueldona iti panagbalangkantisna.”
Wenno “balay ni Afra.”
Lit., “babai nga agnanaed.”
Lit., “babai nga agnanaed.”
Lit., “babai nga agnanaed.”
Lit., “babai nga agnanaed.”
Wenno “mangala kadagiti sanikuayo.”
Lit., “babai nga agnanaed.”
Lit., “saanyonto a maikkat ti tengngedyo.”
Lit., “Bassit kadi ti espiritu ni Jehova?”
Wenno mabalin a, “manipud iti.”
Wenno “nalawa ti ngarabna a kaldero.”
Wenno mabalin a, “bayat nga adda ngalngalngalenda.”
Lit., “pagbalinenda a nasantuan.”
Wenno “Apputendanto amin ti ngiwatda.”
Lit., “ulona.”
Wenno “pirak.”
Wenno “ibagbagada nga agtaltalekda ken Jehova.”
Wenno “nagsaadan ti templo.”
Wenno “kakaykaywan a turod.”
Wenno “Kadagiti maudi nga aldaw.”
Wenno “instruksion.”
Wenno “ilintegna ti bambanag.”
Wenno “Agnaedto.”
Lit., “ti ngiwat ni Jehova a panguluen dagiti armada.”
Wenno “dati.”
Wenno “balakadna.”
Wenno “pamilia.”
Wenno “lider.”
Wenno “burboran a bumaro a leon.”
Lit., “dita imam.”
Kitaem ti Glosario.
Wenno “gapu iti basol ti kararuak?”
Wenno “kidkiddawen.”
Wenno “panagbalinmo a nalinteg; panagbalinmo a patas.”
Wenno “panagbalinmo a naimbag ken napudno iti panagayatmo.” Lit., “panangayatmo iti napudno nga ayat.”
Kitaem ti App. B14.
Wenno “nga inosente.”
Lit., “banag a masagawisiwanto.”
Wenno “tartarigagayan ti kararuak.”
Wenno “Nagpukawen.”
Wenno “dagiti tartarigagayan ti kararuana.”
Lit., “lagalagaenda dayta.”
Wenno “Agurayakto a siaanus.”
Iti Hebreo, ti sao para iti “kabusor” ket tumukoy iti babai.
Wenno mabalin nga, “adayonto ti bilin.”
Kayatna a sawen, ti Eufrates.
Lit., “Gapu iti bunga dagiti aramidda.”
Wenno “payatennanto; abakennanto.”