Pannakidangadang a Maibusor ti Kanser

NI Jeff Blatnik, kampeon a mannakigubal iti Olimpiada, ti nangpasiddaaw iti lubong ti ay-ayam babaen ti panagsublina manipud kanser (Hodgkin’s disease) tapno mangabak iti medaliana a balitok iti Greco-Romano a pannakigabbo idi 1984. Idin ti kanserna nagparang manen iti sabali a paset ti bagina. Kasanot’ panagtignayna?

Inadmitirna a nagsangit. Ngem idin inkeddengna a makilaban manen. “Pinanunotko, ‘Bueno, nadaegko iti naminsan, madaegko manen daytoy.’” Intultuloyna: “Kasla nangrugiak manen. Imbilangko ti isuamin kas maysa a karit. Kasta ti kanser​—daytat’ panangibagay-bagay laeng ti biag.”

Ni Jeff ket naglasat iti chemotherapy, a pasaray mangted kadagiti sabali nga epekto. Ngem kinunana: Kaaduanna isip laeng. Uray pay ti panagtignay ti chemotherapy. Determinadoak a di agsakit, ket saanak met a nagsakit. Ket saan a kasapulan ti agbalin a kampeon iti Olimpiada tapno maaddaan iti dayta a kapanunotan. . . . Nasken a maammuan dagiti tattao nga uray adda kanserda adda pay namnamada nga agbiag.”​—The New York Times, Abril 8, 1986.