Maapresiar Dagiti Literatura ti Biblia Idiay Hungary
Nagsurat ti maysa a maestra idiay Balmazújváros iti sanga nga opisina ti Watch Tower idiay Hungary: “Nakakitaak iti libro a nakaallukoyan ti atensionko. No mabalin, pangngaasiyo ta patulodandak ti maysa a kopia. Ti Librok dagiti Estoria ti Biblia ti paulona.” Kalpasan a naipakaammo daytoy a libro, maysa a prinsipal ti eskuelaan idiay Budapest ti nagkalikagum: “Kayatmi ti agpedido iti 20 a kopia iti Ti Librok dagiti Estoria ti Biblia para iti Elementary School No. 6.”
Nagsurat ti maysa a tao manipud Balatonboglár a nakabasa iti libro a Dagiti Saludsod nga Iyimtuod ti Agtutubo—Dagiti Sungbat nga Epektibo: “Makasukisok-panunot ti libro, ket umiso dagiti naibatay-Biblia a sungbat a naipaay sadiay. Tinulongannak iti kasta unay ti libro, ket nasarakak ti sungbat dagiti saludsodko. Tarigagayak a pabilgen nga ad-adda pay ti pammatik. Ngarud, no mabalin, pangngaasiyo ta patulodandak kadagiti publikasion maipapan iti Biblia.”
Maay-ayo dagiti Saksi ni Jehova a mangipaay iti tulong kadagidiay nga agtarigagay a rumang-ay iti pannakaammo iti Biblia. No kayatyo ti umawat iti maysa a kopia iti uray maysa kadagiti libro a nadakamat iti ngato wenno kayatyo nga adda sumarungkar iti pagtaenganyo a mangisalaysay iti Biblia kadakayo, pangngaasiyo ta agsuratkayo iti Watch Tower, P. O. Box 2044, 1099 Manila, wenno iti maitutop a direksion a nailista iti panid 5.