Ti “Pito a Biddut ti Lubong”

NAIKUNA a nangaramid ni Mohandas Gandhi iti listaan ti inawaganna a “Pito a Biddut ti Lubong.” Isuda ti sumaganad:

• Kinabaknang nga awanan trabaho

• Panagragsak nga awanan konsiensia

• Pannakaammo nga awanan nasayaat a kababalin

• Komersio nga awanan moralidad

• Siensia nga awanan kinanatauan

• Panagdayaw nga awanan panagsakripisio

• Politika nga awanan prinsipio

Ni apokona nga Arun Gandhi ti naikuna a nangnayon iti maikawalo:

• Dagiti kalintegan nga awanan annongen

Nalabit makaibagakayo iti sumagmamano pay, ngem talaga a mamagpanunot daytoy a listaan. Ti sungbat ti Biblia kadagitoy a “biddut” ti mapagkaykaysa iti dua laeng a bilin: “‘Masapul nga ayatem ni Jehova a Diosmo iti amin a pusom ken iti amin a kararuam ken iti amin a panunotmo.’ Daytoy ti kadakkelan ken umuna a bilin. Ti maikadua, nga umasping iti dayta, isu daytoy, ‘Masapul nga ayatem ti kaarrubam a kas iti bagim.’ Kadagitoy dua a bilin nga agpannuray ti intero a Linteg, ken dagiti Mammadto.”​—Mateo 22:37-40.

[Picture Credit Line iti panid 20]

UPI/Corbis-Bettmann