Ammoyo Kadi?

(Masarakan dagiti sungbat daytoy a pannubok kadagiti naipaay a sitas ti Biblia, ket nayimprenta iti panid 25 ti intero a listaan dagiti sungbat. Agpaay iti kanayonan nga impormasion, agkonsultakayo iti publikasion nga “Insight on the Scriptures,” nga impablaak ti Watchtower Bible and Tract Society of New York, Inc.)

1. Ania ti nanglapped ken Jesus a mangaramid kadagiti mannakabalin nga aramid kadagiti kailianna? (Marcos 6:5, 6)

2. Ania a dua a mula ti nadakamat ni Jesus idi tinukoyna ti nainget unay a panangted dagiti Fariseo iti apagkapullo? (Lucas 11:42)

3. Ania nga animal ti napropetikuan ti pannakausarna tapno maipakita no kasano a “nagumel” ni Jesus idi nasaplit? (Isaias 53:7)

4. Asino ti nangato a padi nga immawat iti nakaro a pannakaukom agsipud ta ad-adda a pinadayawanna dagiti annakna ngem ni Jehova? (1 Samuel 2:27-​29)

5. Ania ti “binabalaw” ni Jesus, isu a pinanawanna ti katugangan a babai ni Simon sa immimbag? (Lucas 4:38, 39)

6. Ania ti pangawag iti umuna a paset ti prosesion? (Exodo 14:19)

7. Ania ti nakayarigan ti agbaliwbaliw a kasasaad ti biag ti tao, a maisupadi iti kinamanayon ti “sao ni Jehova”? (1 Pedro 1:24, 25)

8. Nangan dagiti Israelita iti mana idi damo a gundaway sa naipaalagad ti linteg ti Sabbath iti ania a rehion a langalang? (Exodo 16:1, 13-​31)

9. Ania ti dadduma a banag a di maaramidan dagiti didiosen? (Salmo 115:5-7)

10. Agsipud ta dida sinantipikar ken pinadayawan ti Dios iti danum ti Meriba, asino dagiti di napalubosan a sumrek iti Naikari a Daga? (Numeros 20:12)

11. Ania a paset ti bagi ti nausar iti piguratibo a pamay-an a mangirepresentar iti kinabileg wenno kinapigsa? (Isaias 51:9)

12. Iti panangipakitana iti kinatan-ok ti kinapadi ni Kristo, ania ti kinuna ni Pablo a pinagbayad ni Levi idi adda pay laeng kadagiti lomo ni Abraham? (Hebreo 7:9, 10)

13. Ania a sasao ti nausar iti Biblia a mangipakita a ti Ari ti Israel inrepresentarna ti teokratiko a panagturay ni Jehova? (1 Cronicas 29:23)

14. Ania ti itsura ti tunggal maysa kadagiti uppat a sibibiag a parsua iti sirmata ni Juan? (Apocalipsis 4:7)

15. Ania ti napasamak iti daga kalpasan a napagtalaw ti Diablo idiay langit? (Apocalipsis 12:12)

16. Babaen ti ania a naaramid ti pannakabingay ti Naikari a Daga iti 12 a tribu? (Numeros 26:55, 56)

17. Ania a billit ti addaan iti matmata a nakaturong iti sango, isu a kabaelanna a matmatan ti maysa a banag babaen ti dua a matana? (Salmo 102:6)

18. Ania ti imbatad ni Timoteo iti sabsabali babaen ti agtultuloy a panangipamaysana kadagiti naespirituan a bambanag? (1 Timoteo 4:15)

19. Ania ti takem ni Daniel iti gobierno ti Babilonia? (Daniel 2:48)

20. Ania ti dinait da Adan ken Eva a pagkawesda? (Genesis 3:7)

21. Iti panangipaganetgetna iti puntona maipapan iti di umiso a panangusar iti dila, ania ti kinuna ni Santiago a saan a mapataud ti kayo nga higos? (Santiago 3:12)

22. Ania laeng ti mabalin a sagiden dagiti masakit a tattao iti kawes ni Jesus tapno maimbaganda a naan-anay? (Mateo 14:36)

23. Aniat’ ipamatmat dagiti nailangitan a bagi? (Genesis 1:14)

24. Asino dagiti nangnangruna koma a natimbeng, mararaem ti biagda ken mannursuro iti naimbag? (Tito 2:2, 3)

25. Ania ti kinuna ni Isaias a pakapakawanan ti tattao, tapno “ti agtaeng dinanto kunaen, ‘Masakitak’”? (Isaias 33:24)

26. Nupay ti nangadawanna a teksto a Salmo 140:3, inawaganna dayta a ‘nagita a karasaen,’ ania a pangkaaduan a nagan ti inusar ni Pablo iti daytoy a nagita nga uleg? (Roma 3:13)

27. Ania ti maikanem a letra iti kurditan ti Hebreo?

28. Ania a termino ti nausar a mangilasin iti maysa a saan a Judio? (Roma 2:9, 10; kitaem ti King James Version.)

29. Ania ti nagan ti Italiano a sangladan a nangbusbosan ni Pablo iti makalawas a kadua dagiti padana a Kristiano bayat iti panagdaliasatna a sumaklang ken Cesar? (Aramid 28:13, 14)

30. Ania nga agnanayon a bambanag ti pangbalakadan ni Pablo kadatayo a pagtalinaedan a kitaen ti matmatatayo? (2 Corinto 4:18)

31. Ania ti rumbeng a di aramiden dagiti Kristiano, agsipud ta makaammonton ni Jehova iti dayta? (Roma 12:19)

32. Iti panangipaganetgetna iti panangdadael ti Gehena, ania ti kinuna ni Jesus a saan a matay sadiay? (Marcos 9:48)

Dagiti Sungbat ti Pannubok

1. Ti kurang a pammatida

2. Yerbabuena, ruda

3. Kordero

4. Eli

5. Gurigorna

6. Sanguanan

7. Ruot a malaylay

8. Iti let-ang ti Sin

9. Agsao, kumita, dumngeg, agangot, agrikna, magna

10. Moises ken Aaron

11. Ti takiag

12. Apagkapullo

13. ‘Agtugaw iti trono ni Jehova’

14. Leon, urbon a toro, tao, agila

15. Asi pay

16. Ginnasanggasat

17. Kullaaw

18. Irarang-ayna

19. Kangrunaan a gobernador

20. Bulbulong ti higos

21. Olibo

22. Pingir

23. Panniempo, al-aldaw, tawtawen

24. Lallakay ken babbaket

25. Kinadangkesda

26. Aspid

27. Waw

28. Gentil

29. Puteoli

30. “Bambanag a di makita”

31. Agibales

32. “Iggesda”