“Nagsayaat Ketdin nga Impormasion!”
Kasano a masarakan dagiti agtutubo ti panggep iti biag, maawatanda ti bagida, wenno masursuroda ti makitunos a naimbag kadagiti nagannak kadakuada? Nabiit pay a nakaawat ti sanga nga opisina dagiti Saksi ni Jehova idiay España iti surat a kastoy ti sumagmamano a pasetna:
“Nakapagsuratak tapno naimpusuan a kablaawankayo iti nagsayaat a panangipablaakyo kadagiti nagpipintas a libro kas iti maysa a napauluan Dagiti Saludsod nga Iyimtuod ti Agtutubo—Dagiti Sungbat nga Epektibo. Nagsayaat ketdin nga impormasion! Kablaawak dagiti mannurat ken managipablaak a nangtungpal iti arapaap ti rinibu nga agtutubo.
“Maysaak a balasang nga agtawen iti 21 a nabiit pay a nagpatulong ken nagadal iti Biblia. . . . Nairanrana a babaen ti maysa a gayyem, naaddaanak iti libro a Dagiti Saludsod nga Iyimtuod ti Agtutubo—Dagiti Sungbat nga Epektibo.
“Idi damo, impagarupko no awan maitulongna kaniak, ngem in-inut a rimmayray ti interesko a nangbasa iti dayta. Pinagpanunotnak maipapan iti adu a banag, kas pagarigan, no ania ngata ti aramidek iti biagko, ket in-inut a sinungbatanna dagiti saludsodko. Tangay addaanakon iti daytoy a gameng, nasursurok no kasanok a tarusan dagiti nagannak kaniak, no kasano ti mamakawan, ken no kasano ti agbalin ken agtignay a kas maysa a babai.”
No kayatmo ti magunggonaan manipud iti impormasion iti libro nga Iyimtuod ti Agtutubo, mabalinmo ti maaddaan iti bukodmo a kopia no suratam ken ibusonmo ti naipakuyog a kahon iti direksion a makita iti kupon wenno iti maitutop a direksion a nailista iti panid 5 daytoy a magasin.
□ Patulodandak iti libro a Dagiti Saludsod nga Iyimtuod ti Agtutubo—Dagiti Sungbat nga Epektibo.
□ Pangngaasiyo ta pakaammuandak maipapan iti libre a panagadal iti Biblia iti pagtaengan.