Abril 19, 2000

Aldaw a Laglagipen

DI rabii sakbay ti ipapatayna, inrugi ni Jesus ti pananglaglagip iti ipapatayna. Daytat’ simple a seremonia. Kabayatan dayta imbagana kadagiti adalanna: “Itultuloyyo nga aramiden daytoy kas panglaglagip kaniak.”​—Lucas 22:19.

Iti daytoy a tawen, maaramid ti anibersario daytoy nga okasion inton Mierkoles, Abril 19, kalpasan a lumnek ti init.

Gapuna, agtitiponto dagiti Saksi ni Jehova iti intero a lubong iti daytoy a naisangsangayan a rabii tapno rambakanda daytoy a Panglaglagip iti pamay-an a kinalikaguman ni Jesus. Naimpusuan a maawiskayo a makitimpuyog kadakuada kas managpaliiw. Pangngaasiyo ta makiumankayo kadagiti Saksi ni Jehova iti lugaryo para iti umiso nga oras ken lugar a pagtataripnongan.