Ammoyo Kadi?

(Masarakan dagiti sungbat daytoy a quiz kadagiti naipaay a teksto ti Biblia, ket nayimprenta iti panid 27 ti kompleto a listaan dagiti sungbat. Agpaay iti kanayonan nga impormasion, agkonsultakayo iti publikasion nga “Insight on the Scriptures,” nga impablaak ti Watchtower Bible and Tract Society of New York, Inc.)

1. Ania ti makin-amianan a beddeng ti Naikari a Daga ken ti kangatuan a paset ti kadarapat ti Palestina? (Josue 12:1)

2. Ania a kualidad ni Jehova ken matarigagayan kadagiti tattao ti saan a pagilasinan ti kinakapuy? (Salmo 18:35)

3. Mano nga Asirio a mannakigubat ti pinatay ti anghel ni Jehova iti maysa a rabii? (2 Ar-ari 19:35)

4. Siasino ti nangibukbok iti nangina a napabanglo a lana kadagiti saka ni Jesus sana pinunasan babaen ti buokna? (Juan 12:3)

5. Ania ti nagan dagiti mammaltot a Hebreo a simmukir iti bilin ni Faraon a patayenda dagiti maladaga a lallaki a binendisionan ni Jehova agraman dagiti mismo a pamiliada? (Exodo 1:15-21)

6. Siasino nga ari ti Juda ti naibilang a maysa kadagiti matalek nga ar-ari, nupay nagbasol iti las-ud ti 41 a tawen a panagturayna? (1 Ar-ari 15:14, 18)

7. Iti padto maipapan ti pannakaisubli, ania nga animal ti naikuna a “manganto iti garami a kas iti baka”? (Isaias 65:25)

8. Apay a linakub ti amin a lallaki iti Sodoma, agtutubo man ken lallakay, ti balay ni Lot? (Genesis 19:4, 5)

9. Kas sungbat iti kararag ni Samuel, ania ti inusar ni Jehova a nangriro kadagiti Filisteo, isu a naabakda? (1 Samuel 7:9, 10)

10. Ania ti imbaga ni Moises a rason idi kiniddawna ken Faraon a palubosanna dagiti Israelita a pumanaw? (Exodo 5:1)

11. Ti sanga ti ania nga agbunga a kayo ti masansan a mausar kas simbolo ti talna? (Kitaenyo ti Isaias 17:6.)

12. Kadagiti lima a libro ti Biblia nga insurat ni Juan, ania ti immuna a naisurat?

13. Siasino ti nakaikunaan ti proverbio nga isu ti “balangat ni asawana”? (Proverbio 12:4)

14. Nupay maikari, siasino ti nagkitakit a gunggonaan ni Ari David agsipud ta agtawenen iti 80? (2 Samuel 19:31-36)

15. Ania a simboliko a bilang dagiti anghel ti naikuna a naallilaw ni Satanas? (Apocalipsis 12:4)

Dagiti Sungbat ti Quiz

1. Bantay Hermon

2. Kinapakumbaba

3. 185,000

4. Ni Maria, ti kabsat da Marta ken Lazaro

5. Da Sifra ken Pua

6. Ni Asa

7. Leon

8. Kayatda a ramesen dagiti anghel a sangailina

9. Gurruod

10. Tapno rambakanda ti maysa a piesta para ken Jehova idiay let-ang

11. Ti olibo

12. Apocalipsis

13. “Natalunggadingan a babai”

14. Ni Barzilai, a Galaadita manipud Rogelim

15. Kakatlo