Ammoyo Kadi?

(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 23 ti kompleto a listaan ti sungbat. Para iti kanayonan nga impormasion, kitaenyo iti publikasion nga “Insight on the Scriptures, nga impablaak ti Watchtower Bible and Tract Society of New York, Inc.)

1. Idi naabak dagiti Israelita idiay Ai gapu ta sinalungasingda ti bilin ti Dios maipapan iti Jerico ket awan ti nagpudno, kasano a naibutaktak ti nakabasol? (Josue 7:14-21)

2. Apay a pinatay ni Jehova ti anak a lalaki ni Juda a ni Onan? (Genesis 38:7-10)

3. Siasino ti nangipagarup a nabartek ni nalinteg nga Anna isu a binabalawna? (1 Samuel 1:13, 14)

4. Apay nga imbaga ni Jesus a dagiti eskriba ket ‘umawatto iti nadagdagsen a pannakaukom’? (Lucas 20:46, 47)

5. Siasino ti nangisurat iti dua a libro ti Cronicas? (Nehemias 12:26)

6. Ania ti nausar iti Biblia a piguratibo a mangirepresentar iti abilidad a mangusar iti bileg wenno pannakabalin? (Jeremias 32:17)

7. Ania a sao ti nausar iti Biblia para iti kalawa ti daga nga araduen dagiti toro iti maysa nga aldaw? (1 Samuel 14:14)

8. Sadino ti ayan ti Negeb? (Exodo 26:18)

9. Siasino nga anak a lalaki ni Noe ti makinkaputotan kadagiti Egipcio, Etiope, ken Canaanita? (Genesis 10:6)

10. Ania a lunar a bulan a nairingpas ti templo ni Solomon? (1 Ar-ari 6:38)

11. Ania a mula ti naaddaan iti napateg a paset iti panangabak ni David kadagiti Filisteo iti nababa a tanap ti Refaim? (2 Samuel 5:24)

12. Kadagiti ania pay a pamay-an a patayen ti maikapat a nakakabalio idiay Apocalipsis dagiti mismo a biktimana? (Apocalipsis 6:8)

13. Apay a naawagan dagiti Nefilim nga ‘agdindinamag a lallaki’? (Genesis 6:4)

14. Babaen ti bilin ni Jehova, ania ti naaramid tapno nalabit makita dagiti masakbayan a kaputotan ti manna a kinnan dagiti Israelita iti let-ang? (Exodo 16:32, 33)

15. Ania ti naammuan ni Timoteo “manipud kinamaladaga” a namagbalin kenkuana a ‘masirib maipaay iti pannakaisalakan’? (2 Timoteo 3:15)

16. Siasino ti nangala iti bangkay ni Saul ken ti annakna manipud iti pader ti Bet-san, a nangilansaan kadakuada dagiti Filisteo, ken nangipaay kadakuada iti nadayaw a pannakaitabon? (1 Samuel 31:11-13)

17. Ania a lugar ti nangawisan ni Jesus kada Pedro, Andres, Santiago, ken Juan tapno agbalin a pasurotna? (Mateo 4:18-22)

18. Siasino nga ari ti Asiria ti nangtedan ni Menahem nga ari ti Israel iti impuesto tapno dinan pakibiangan ti Israel? (2 Ar-ari 15:19)

Dagiti Sungbat ti Quiz

1. Sinubok ni Jehova ti nasion, pinilina nga umuna ti tribu, kalpasanna ti pamilia, sa ti sangakabbalayan, ket kalpasanna ti lalaki a ni Acan

2. Gapu ta sinukir ni Onan ni tatangna ken nagtignay a siaagum, sinupringna ti urnos a mangpatanor iti putot maipaay iti pimmusay a kabsatna a ni Er

3. Ti nangato a padi a ni Eli

4. Agsipud ta impangpangrunada ti pannakaidayaw, siaagum nga ‘inalun-onda ti balbalay dagiti balo a babbai,’ ken naginsasantoda babaen ti panagkararagda iti atiddog

5. Ni Esdras

6. Ti takiag

7. “Acre”

8. Ti abagatan

9. Ni Ham

10. Bul

11. Ti baca

12. Babaen ti “makapapatay a saplit”

13. Daytoy tuktukoyenna, saan a ti kinatan-okda iti Dios, no di ket ti panagaligaget nga insaknapda kas naasing ken naulpit a lallaki

14. Sangakaramba a napno iti maysa nga omer a sukat ti manna ken naidulin iti “sango ni Jehova”

15. “Dagiti nasantuan a sursurat”

16. Dagiti maingel a lallaki a naggapu iti Jabes-galaad

17. Ti Baybay ti Galilea

18. Pul (Tiglath-pileser III)