Ammoyo Kadi?

(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 19 ti kompleto a listaan ti sungbat. Para iti kanayonan nga impormasion, kitaenyo ti publikasion nga “Insight on the Scriptures,” nga impablaak dagiti Saksi ni Jehova.)

1. Tapno makaluban ti basolna ken ni Bat-seba, ania ti inaramid ni David kas kaudian a pamuspusan? (2 Samuel 11:15-17)

2. Manipud iti ania ti nakabuklan ti kaunaan a babai? (Genesis 2:22)

3. Iti ar-aramid dagiti ania nga animal ti nangipadaan ni Pedro kadagiti aramid dagidiay pumanaw iti “dana ti kinalinteg”? (2 Pedro 2:21, 22)

4. Kadagiti aldaw ti siasino a narugian ti “iyaawag iti nagan ni Jehova”? (Genesis 4:26)

5. Siasino ti kaunaan nga ari ti Israel, ket ania ti nagan ti amana? (Aramid 13:21)

6. Iti sidong ti Linteg Mosaiko, ania ti kababaan a bilang dagiti saksi a kasapulan tapno makondenar a matay ti maysa a tao? (Deuteronomio 17:6)

7. Siasino ti nangibagaan ni Pablo a “nakautangan ti tunggal pamilia idiay langit ken iti daga ti naganna”? (Efeso 3:14, 15)

8. Gapu iti ania a nagdinamag dagiti annak a lallaki ni Lamec a da Jabal ken Jubal? (Genesis 4:20, 21)

9. Kas paneknekan nga agpadpada da Santiago ken Pedro, siasino ti nangipaayan ti Dios iti “di kaikarian a kinamanangngaasi”? (Santiago 4:6; 1 Pedro 5:5)

10. Iti ilustrasion ni Pablo maipapan iti agdamdamili ken ti damdamilienna, ania a sasao ti inusarna para kadagiti dakes ken nalinteg? (Roma 9:22-24)

11. Siasino a Cesar ti nagapelaran ni Pablo? (Aramid 25:11, 21)

12. Iti sidong ti Linteg Mosaiko, ania ti dua a kasasaad ti maysa nga animal tapno maibilang a nadalus ken maitutop a kanen? (Levitico 11:2, 3)

13. Ania ti umuna a letra iti Hebreo nga alpabeto? (Salmo 119, paulo)

14. Ania ti inaramid ti amin nga Israelita iti pandiling ti kawesda tapno mapalagipanda a naisinada kas ili a nasantuan ken Jehova? (Numeros 15:38-41)

15. Kas panangsurot ni Abram iti bilin ni Jehova, ania a siudad ti pinanawanna tapno mapan idiay daga ti Canaan? (Genesis 15:7)

16. Apay a binabalaw ti Fariseo a ni Simon ti sidudungngo a panangagek ti maysa a babai kadagiti saka ni Jesus ken panangsapsapona kadagitoy iti bangbanglo a lana? (Lucas 7:37-39)

Dagiti Sungbat ti Pannubok

1. Inyurnosna ti pannakapapatay ni Urias iti gubat

2. Maysa a paragpag a naala manipud ken Adan

3. Aso ken baboy

4. Enos

5. Saul, Kis

6. Dua

7. Ti “Ama” a ni Jehova a Dios

8. Isuda idi ti namunganay kadagidiay musiko ken agnanaed iti tolda nga agtartaraken kadagiti dinguen

9. ‘Dagiti napakumbaba’

10. “Basehas ti pungtot” ken “basehas ti asi”

11. Nero

12. Agngatingat ken nagpisi ti kukona

13. Alef

14. Agaramidda iti barayubay a pingir nga addaan iti asul a linas iti ngatuenna

15. Ur dagiti Caldeo

16. Ti babai ket agdinamag a managbasol ken imoral ti panagbiagna, ngem kaskasdi a pinalubosan ni Jesus a mangsapsapo kenkuana