Matulongannaka ti Dios nga Agsagana iti Naindaklan nga Aldawna

“Ti dakkel nga aldaw ni Jehova asidegen,” kinuna ti mammadto ti Dios. (Sofonias 1:14) Napardas ti iyaadani dayta nga aldaw, isu a nasken nga agbiagtayo a silalagip iti dayta. Ammom kadi a dagiti makunkuna a Segundario a Mammadto adda napateg a mensaheda para kenka maipapan iti dayta a naindaklan nga aldaw? Ti Kapitulo 1 agingga iti 3 daytoy a libro tulongannaka a mangammo a naimbag iti maipapan kadagitoy 12 a mammadto ken kadagiti tema dagiti libro nga insuratda. No kasta, magunggonaanka kadagiti insuratda, ta adda dagiti maadalmo kadagita a mausarmo iti biagmo.