BARSABAS

Mabalin a daytoy ket apeliedo wenno kanayonan laeng a nagan a naited iti dua a tattao: ni Jose, a napanaganan iti Justo, daydiay saan a napili a mangala iti kinaapostol a nabakante ni Judas Iscariote; ken ni Judas, a kimmuyog kada Pablo, Bernabe, ken Silas manipud Jerusalem nga agturong idiay Antioquia idi agarup 49 K.P. Awan pammaneknek nga agkabsat dagitoy a dua a lallaki.​—Ara 1:23; 15:22; kitaenyo ti JOSE Num. 11; JUDAS Num. 7.