FEATURE
Panagturay ni Solomon
TI PANAGTURAY ni Ari Solomon ipaayannatayo iti naimpadtuan a pamalatpatan iti masanguanan. Bayat ti naarian a panagturayna nagtengan ti Israel ti pantok ti kinabaknang ken dayagna. Agpada a masirib nga ari ken nasigo nga organisador ni Solomon. Nangibangon iti natan-ok a templo maipaay ken Jehova, nadumaduma a patakder ti gobierno, ken naarian a palasio, kas nailadawan iti baba. Nangipasdek kadagiti administratibo a distrito a, babaen ti panagrikus, nangipaay iti nagduduma a taraon iti naarian a sangakabbalayan, aniaman ti panawenna.
Ti panagturay ni Solomon ket tiempo ti pudpudno a talna ken talged. Iyanninawna unay ti natalna a panagturay ti Mesias, a “maaddaanto kadagiti masaksakupan manipud iti baybay agingga iti baybay ken manipud iti Karayan [Eufrates] agingga kadagiti ungto ti daga.”—Sal 72:8.
MAPA: Pagturayan ni Solomon
Bayat ti panagturay ni Solomon, nagbiag a sitatalged ti Juda ken Israel—iti piguratibo a panagsao, tunggal maysa iti sirok ti bukodna a puon ti ubas ken iti sirok ti bukodna a kayo a higos (1Ar 4:25)
Uray dagiti agtuturay iti sabali a dagdaga immayda tapno dumngegda iti siribna (1Ar 4:34; 10:1)