GEDOR

[Bato a Pader].

1. Ti anak ni Jeiel a nagnaed iti ili ti Gabaon. Isu ket kameng ti tribu ni Benjamin ken uliteg ni Ari Saul iti tumeng.​—1Cr 8:29-31; 9:35-39.

2. Anak ni Penuel a kameng ti tribu ni Juda. Mabalin a nagan dayta ti maysa nga ili.​—1Cr 4:4.

3. Anak ni Jered a kameng met ti tribu ni Juda.​—1Cr 4:18.

4. Maysa nga ili iti kabambantayan ti Juda. (Jos 15:48, 58) Naikuna nga isu dayta ti Khirbet Jedur nga agarup 12 km (7.5 mi) iti amianan ti Hebron. Mabalin met a dayta ti natukoy iti 1 Cronicas 4:18. Pagarupen ti sumagmamano a ti pannakadakamat ti Soco ken Zanoa (agpada nga agparang iti dadduma pay a teksto kas nagnagan ti il-ili) iti dayta met laeng a bersikulo ket mabalin a mangipasimudaag a ti Gedor ket maysa met nga ili, a ni Jered ti nangbuangay, wenno “ama.”

5. Maysa nga ili a nadakamat mainaig iti ar-aramid dagiti Simeonita. (1Cr 4:24, 39) Iti Griego a Septuagint, nailanad ditoy ti “Gerar.”​—Kitaenyo ti GERAR.

6. Maysa a lugar iti teritoria ti Benjamin. (1Cr 12:1, 2, 7) Ti maysa a naikuna nga ayanna isu ti Khirbet el-Gudeira, agarup 16 km (10 mi) iti amianan a laud ti Jerusalem.