GRABA

Babassit a bato wenno bisil. Iti Kasuratan, naaramat ti “graba” iti mangyilustrar a pamay-an. Dagiti makadangran nga ibunga ti pananggun-od iti tinapay babaen iti kinaulbod ket maipadis iti pannakapunno ti ngiwat ti maysa a tao iti graba. (Pr 20:17) Kasta met, ti nakaro a pannakaparigat nga impagteng ni Jehova iti di matalek a Jerusalem babaen kadagiti taga Babilonia ket naipadis iti ‘pannakatipping ti ngipen babaen iti graba.’ (Un 3:16) Sigun iti nabayagen a panangmatmat dagiti Judio, aktual a napasaran daytoy dagidiay naidestiero idiay Babilonia. Kunaen ti tradision a napilitanda nga agluto iti tinapay kadagiti abut a nakali iti daga ket, kas nagbanaganna, ti tinapay nalaokan iti rinet.