HAROSET

Maysa a disso, a ti kompleto nga awag iti dayta ket “Haroset dagiti nasion.” Nagpaay daytoy kas hedkuarter ti militar maipaay ken Sisera, ti panguluen ti buyot ti Canaanita nga ari a ni Jabin, a nagturay idiay Hasor. (Uk 4:2, 13) Ditoy met laeng ti nagtultuloy a nangparmekan ni Ukom Barak kadagitoy a puersa ti kabusor. (Uk 4:16) Ti nagan a Haroset (kaipapananna ti “Kakaykaywan; Nakayo a Kasamekan”) ket agparang a nataginayon iti el-Harithiyeh, iti asideg ti makinlaud a pagruaran iti Tanap ti Jezrael ken agarup 16 km (10 mi) iti amianan nga amianan-a-laud ti Megiddo. Nupay kasta, kadawyan a patien dagiti eskolar a ti aktual a disso idi un-unana ket adda iti asideg ti Tell ʽAmr (Tel Meʽammer).