HERODION

Maysa kadagiti pinatulodan ni Pablo iti personal a kablaaw iti suratna iti Kristiano a kongregasion idiay Roma. Ni Pablo tukoyenna ni Herodion kas “kabagiak.” (Ro 16:11) Isingasing ti dadduma a daytoy mabalin a kayatna laeng a sawen a Judio met ni Herodion a kas ken Pablo imbes a kameng ti mismo a pamiliana, agsipud ta ti apostol inusarna ti awag a ‘dagiti kabagian’ iti Roma 9:3. Nupay kasta, yantangay saan a tukoyen ni Pablo ti amin a Judio a kinablaawanna kas “dagiti kabagiak” (idiligyo ti Ara 18:2; Ro 16:3), nalabit maysa nga as-asideg a kabagian ti kayatna a sawen.​—Kitaenyo ti ANDRONICO.