ISTOB

[Lalaki ti Tob].

Maysa kadagiti babassit a pagarian a nangipaay iti mannakirupak a lallaki tapno aramaten ti annak ni Ammon maibusor ken David. Naabak dagiti puersa manipud iti “Istob” ken dagiti kaaliansada. (2Sm 10, AT, KJ, NW, Yg) Kas kunaen ti kaaduan a managipatarus ken geograpo, ti Istob rumbeng a maipatarus a “lallaki ti Tob,” a tumukoy iti “daga ti Tob” a nagnaedan ni Jefte. (Uk 11:3-11; kitaenyo ti 2Sm 10:6, 8, AS, JB, JP, RS.) Nupay kasta, ti patarus nga “Istob” ket suportaran ti sumagmamano a kadaanan a bersion. (LXX; Sy; Vg) Saan nga ammo ita ti ayan ti maysa a kadaanan nga Istob.​—Kitaenyo ti TOB.