JERIMOT

[nagtaud iti sao a kaipapananna ti “maipangato (maitan-ok)”].

1. Anak wenno kaputotan ni Bela nga inauna a putot ni Benjamin, ken isu ket maysa a maingel, nabileg a lalaki.​—1Cr 7:6, 7.

2. Maysa a Benjamita a mannakigubat a nangsuporta ken David bayat nga adda idiay Siclag, idi a ni David ket pugante gapu ken Ari Saul.​—1Cr 12:1, 2, 5.

3. Maysa a Merarita a Levita.​—1Cr 24:26, 30; kitaenyo ti JEREMOT Num. 3.

4. Maysa a Cohatita a Levita.​—1Cr 6:33; 25:4; kitaenyo ti JEREMOT Num. 4.

5. Ti prinsipe iti tribu ni Neftali bayat ti panagturay ni David; anak wenno kaputotan ni Azriel.​—1Cr 27:19, 22.

6. Anak ni David a ti balasangna ket nakiasawa ken Ari Rehoboam. (2Cr 11:18) Yantangay ni Jerimot ket saan a nairaman iti listaan ti annak ni David kadagiti nainaganan nga assawana, mabalin nga isu ket anak iti maysa a kamalala wenno iti maysa a di nainaganan nga asawa. (2Sm 5:13) Nabatad a nagbalin nga asawa ni Jerimot ti kasinsinna a ni Abihail, nga anak ti kalakayan a kabsat ni David a ni Eliab.​—2Cr 11:18; 1Sm 17:13.

7. Maysa kadagiti Levita a komisionado a mangay-aywan iti adu a kontribusion, apagkapullo, ken ti nasantuan a bambanag a naiyeg bayat ti panagturay ni Ezekias.​—2Cr 31:12, 13.