LASA

Maysa a lugar a nadakamat iti kaunaan a pannakaipatuldo ti nagbedngan ti Canaan. (Ge 10:19) Saan a masigurado no sadino ti eksakto nga ayanna. Mabalin a ti Lasa ket adda “iti asideg ti” Zeboiim (NW; JP [1962 ed.]) wenno ti beddeng ti Canaan ket saklawenna manipud iti aglikmut ti Zeboiim “agingga iti” Lasa. (AT; RS; JB) Gapu iti imbaga ni Jerome ken iti nabayagen a patpatien dagiti Judio, adu ti agkuna a ti Lasa ket isu ti Callirrhoe, nga adda iti asideg ti makindaya a takdang ti Natay a Baybay iti baba ti Wadi Zarqa Maʽin. Adda met ti mangibaga a ti Lasa ket nainaig iti Lais (Dan).