GARGARET

Ti Hebreo a termino a keliʹ, a no dadduma naipatarus a “gargaret,” nalawa ti pagaplikaranna. Ti pamunganayan a kaipapanan ti Hebreo a sao mabalin a “maysa a banag nga aglaon; pagkargaan.”​—Kitaenyo ti AR-ARMAS, KABAL.

Ti maysa a pakarso ti buyot, dagiti agdaldaliasat, dagidiay aguummong iti maysa nga asamblea nga adayo kadagiti pagtaenganda, ken dadduma pay, agitugotda kadagiti nasken a bambanag a kas iti gargaret. (1Sm 10:21, 22; 17:22; 25:9-13) Impasdek ni David ti pagannurotan iti Israel a ti lallaki a naibati nga agbantay iti gargaret bayat dagiti kampania militar rebbeng a, mairaman kadagiti mannakirupak a lallaki, adda pumadpada a bingayda kadagiti samsam ti panagballigi.​—1Sm 30:21-25.

Naibaga iti Egipto nga aruatanna ti bagina maipaay iti pannakaidestiero babaen ti panagaramidna iti “gargaret . . . a maipaay iti pannakaidestiero,” yantangay sigurado ti pannakatnagna iti Babilonia, kas naipadto babaen ken mammadto Jeremias. (Jer 46:13, 19) Immal-aldawan, kas paset ti simboliko a tignay mainaig iti um-umay a pannakaidestiero ti Jerusalem idiay Babilonia, ni Ezequiel nangiruar manipud balayna iti “gargaret iti pannakaidestiero.”​—Eze 12:1-4, 7-11.