MEDAN

Maysa kadagiti innem nga annak ni Abraham babaen ken Ketura a kamalalana. (Ge 25:1, 2; 1Cr 1:32) Saan a naibaga no ania a tribu iti Arabia ti nagtaudan ni Medan, ken saan nga ammo no sadino ti nagnaedan dayta. Nupay kasta, mabalin a ti “Medan” ket isu met laeng ti “Badan,” maysa a lugar iti abagatan ti Tema nga innala ni Ari Tiglat-pileser III ti Asiria idi maikawalo a siglo K.K.P., ta masansan a mapagsinsinnukat ti Arabiko nga “m” ken “b.”