TEMA

1. Maysa kadagiti annak ni Ismael.​—Ge 25:13-15; 1Cr 1:29, 30.

2. Inapo ti maysa a pamilia dagiti Netineo a nakipagsubli ken Zorobabel idiay Jerusalem manipud Babilonia.​—Esd 2:1, 2, 43, 53; Ne 7:55.

3. Nalabit isu met laeng ti agdama a Taima, maysa a nadam-eg a paset a masarakan iti agarup 400 km (250 mi) iti abagatan a daya ti Ezion-geber, a nagsangaan ti dua a kangrunaan a ruta dagiti sangkakuyogan a managbiahe. (Job 6:19) Ti Tema, agraman ti kabangibang a Dedan, ket nadakamat kadagiti padto da Isaias (21:13, 14) ken Jeremias (25:15-23). Iti daytoy naud-udi a padto espesipiko a nainaganan ti Tema kas maysa kadagiti lugar a dagiti agnanaed kadakuada mapilitanda nga uminum iti “kopa ti arak ti pungtot” ni Jehova. Ni Ari Nabonido ti Babilonia nalawag a nangipasdek iti maikadua a kabesera idiay Tema, nga imbatina ni Belsazar idiay Babilonia nga agaywan bayat ti kaawanna.